សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នារីម្នាក់ជិះម៉ូតូតាមផ្លូវត្រូវជនសង្ស័យជិះម៉ូតូមកពីក្រោយឆក់យកទូរស័ព្ទបានសម្រេចហើយគេចខ្លួនបាត់ស្រមោល ។
ហេតុការណ៍នេះ បានកើតឡើងកាលពីវេលាម៉ោង១១ និង២០នាទីយប់ ថ្ងៃទី៦ ខែកុម្ភៈ ឆ្នាំ២០២០ នៅចំណុចមុខការហ្វេអាម៉ាហ្សូន តាមបណ្តោយផ្លូវមុនីរ៉េត ស្ថិតក្នុងសង្កាត់ទំនប់ទឹក ខណ្ឌបឹងកេងកង រាជធានីភ្នំពេញ ។
ជនរងគ្រោះឈ្មោះសែមឡង់ឌី ភេទស្រី អាយុ៣០ឆ្នាំ មុនរបរបុគ្គលិកនៅភ្នំពេញស្ពតក្លឹប ស្នាក់នៅបន្ទប់ជួលសង្កាត់បឹងសាឡាង ខណ្ឌទួលគោក រាជធានីភ្នំពេញ ។
តាមសម្តីជនរងគ្រោះបានឲ្យដឹងថា មុនពេលកើតហេតុរូបគាត់បានជិះម៉ូតូចេញពីនៅភ្នំពេញស្ពតក្លឹប បំណងជិះទៅផ្ទះនៅសង្កាត់បឹងសាឡាង ដោយជិះម៉ូតូបណ្តើរស្តាប់កាសបណ្តើរ ធ្វើដំណើរតាមបណ្តោយផ្លូវមុនីរ៉េត ក្នុងទិសដៅពីលិចទៅកើតខណៈមកដល់ចំណុចកើតបំណងបត់ឆ្លងផ្លូវ ស្រាប់តែមានជនសង្ស័យម្នាក់ជិះម៉ូតូស្កុបពីមិនចាំស្លាកលេខមកពីក្រោយបានធ្វើសកម្មភាពលូកយកទូរស័ព្ទម៉ាក iPhone 7plus ពីហោបៅហើយគេចខ្លួនបាត់។
ក្រោយកើតហេតុជនរងគ្រោះបានត្រឹមទៅដាក់ពាក្យបណ្តឹងនៅប៉ុស្តិ៍នគរបាលទំនប់ទឹកដើម្បីងាយស្រួលសមត្ថកិច្ចតាមស្វែងរក ៕ សុខាសែនជ័យ
