សារព័ត៌មាន នគរវត្ត តែងតែនាំមុខគេជានិច្ច
ប៉ោយប៉ែតៈ រថយន្តម៉ាក Lexus570 ស៊េរីទំនើប១គ្រឿងម្ចាស់បើកបរក្នុងស្ថានភាពស្រវឹងបានបុកចូលផ្ទះប្រជាពលរដ្ឋ បង្កឲ្យស្ត្រីម្នាក់រងរបួស កាលពីថ្ងៃទី១៧ ខែកុម្ភៈ ឆ្នាំ២០២០ នៅភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
ពលរដ្ឋនៅកន្លែងកើតហេតុប្រាប់ថា អ្នកបើកបររថយន្តនោះមានឈ្មោះ លោកពិន សាវឿត បើកបររថយន្ត ម៉ាកតូយ៉ូតា Lexus 570 ពណ៌ខ្មៅ ពាក់ស្លាកលេខ ភ្នំពេញ 2AA 8009 ។ លោកបើកបរស្ថិតក្នុងស្ថានភាពស្រវឹង ។
ប្រភពថា៖ មុនកើតហេតុគេបានឃើញលោក សាវឿត អ្នកបើកបរចុះពីកាន់ចង្កូតរថយន្តក្នុងសភាពស្រវឹងឈទ្រេតទ្រោត ហើយអ្នកស្រុកចោមរោម ក៏ស្រែកអោយលោកទទួលខុសត្រូវចំពោះគ្រោះថ្នាក់បណ្តាលអោយស្រ្តីម្នាក់រងរបួស និងខូចខាតផ្ទះសម្បែងពលរដ្ឋនៅទីនោះ ។ នៅកន្លែថកើតហេតុគេឃើញ រថយន្តសេរីទំនើបរបស់លោក សាវឿតរងការខូចខាតច្រើនផងដែរ ។ ប៉ុន្តែសមត្ថកិច្ចថា អ្នកបើកបររូបនេះ ពុំបានស្រវឹងនោះទេ ។
ក្នុងហេតុការណ៍គ្រោះថ្នាក់ចរាចរណ៍នេះ ក៏មាននគរបាលចរាចរណ៍បានចុះទៅពិនិត្យ និងបាននាំជនរងគ្រោះទៅជួយសង្គ្រោះនៅមន្ទីរ និងព្រមទាំងនាំយករថយន្តដែលបង្កទៅរក្សាទុកនៅអធិការដ្ឋាននគរបាលក្រុងប៉ោយប៉ែត ដើម្បីដោះស្រាយតាមផ្លូវច្បាប់ ៕ វណ្ណា
