សារព័ត៌មាន នគរវត្ត តែងតែនាំមុខគេជានិច្ច
ខេត្តស្ទឹងត្រែង ៖ ពពួកសត្វស្លាបកម្រច្រើនប្រភេទ ត្រូវគេប្រទះឃើញរស់នៅផ្តុំគ្នា យ៉ាងមានការកក់ក្តៅរស់នៅព្រៃតំបន់រ៉ាមសារ តាមកោះព្រៃមួយចំនួន នឹងជម្រកព្រៃឈើគ្ចែង នឹងដើមរាំង ស្ថិតតាមកោះឈើទាល់ធំ នឹងកោះទន្សាយ ក្នុងឃុំអូរស្វាយ ស្រុកបុរីអូរស្វាយសែនជ័យ ខេត្តស្ទឹងត្រែង ។
មន្ត្រីអភិរក្សផ្នែកបរិស្ថានបានសហការសហការជាមួយសហគមន៍បុរីអូរស្វាយ បង្កើនការអភិរក្សសត្វស្លាបទឹក និងការពារជម្រកសត្វស្លាបព្រោះនៅប៉ុន្មានឆ្នាំចុងក្រោយនេះ ពពួកសត្វក្អែកទឹក សត្វស្មោញ សត្វទាទឹក និងពពួកសត្វស្លាបាប ផ្សេងៗជាច្រើនទៀត បានទៅនៅព្រៃតំបន់រ៉ាមសារតាមដងទន្លេមេគង្គលើ ។
តាមសកម្មភាពចុះល្បាតនៅតំបន់រ៉ាមសារ ខេត្តស្ទឹងត្រែង លោកឈន ឆន អនុប្រធានការរិយាល័យអភិរក្សធនធានធម្មជាតិ នៃមន្ទីរបរិស្ថានខេត្តស្ទឹងត្រែង ប្រចាំនៅស្រុកបុរីអូរស្វាយសែនជ័យ បានប្រាប់នៅថ្ងៃទី១៧ ខែកុម្ភៈនេះថា ពពួកសត្វស្លាបគ្រប់ប្រភេទដូចជាក្អែកទឹករស់ នៅតំបន់រ៉ាមសារ ត្រូវបានគ្រប់គ្រងដោយអាជ្ញាធរពាក់ព័ន្ធ កុំពុងសហការគ្នាការពារយ៉ាងម៉ឹងមាត់បំផុត ។
ប្រភពដដែលបានបញ្ចាក់ថា បើជនខិលខូចណាទៅបរបាញ់ ដាក់អន្ទាក់ ប្រើប្រាស់ថ្នាំពុល សម្លាប់សត្វ ឬប្រើឧបករណ៍ឆក់ សមត្ថកិច្ចនឹងចាត់វិធានការច្បាប់ ព្រោះមន្ត្រីបរិស្ថានបានបង្កើនការចុះល្បាតជាប្រចាំនៅតំបន់រ៉ាមសារនេះ ។
លោកយេន ម៉ី ប្រធានសហគមន៍បូរីអូរស្វាយស្វាយ បញ្ជាក់ថា បញ្ហានេះជា រឿយៗអាជ្ញាធរមូលដ្ឋានតែងតែអំពាវនាវឱ្យប្រជាអ្នកនេសាទ ចូលរួមបង្កើនការថែរក្សា ព្រោះវាជាសម្បត្តិធនធានធម្មជាតិរបស់យើងទាំងអស់គ្នា ដែលកើតមាននៅក្នុងភូមិឃុំ ។
លោកបន្តថា:វត្តមានសត្វដ៏ច្រើននេះនេះ ជាសក្តានុពលមួយបន្ថែមទៀត តម្រូវឱ្យសហគមន៍ និងប្រជាពលរដ្ឋទាំងអស់គ្នាយកចិត្តទុកដាក់ក្នុងការអភិរក្ស ព្រោះវាជាផលិតផលបំរើឱ្យវិស័យទេសចរណ៍នៅទីនេះ ទាំងភ្ញៀវជាតិ នឹងភ្ញាអន្តរជាតិផងដែរ ។
តំបន់រ៉ាមសារដែលត្រូវអភិរក្សនោះ មានផ្ទៃដី និងព្រៃឈើលិចទឹក ដូចជាដើមគ្រវែង ដើមរាំងទឹក ដុះនៅលើកោះតូចធំ មានចំនួន១៤.៦០០ហិកតា ដែលមានពពួកសត្វស្លាបរស់នៅ៩៧ប្រភេទ និងត្រីចំនួន១៣០ប្រភេទផងដែរ កំពង់ការពារ នឹងអភិរក្ស ក្នុងតំបន់រាំសារ គ្រប់គ្រងដោយមន្ត្រីបរិស្ថាន ឧទ្យានុរក្ស និងសហគមន៍ ក្នុងមូលដ្ឋាន ៕ មាស សុផាត
