សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ធ្វេីសកម្មភាពឆក់កាបូសស្ពាយពីនារីម្នាក់ ខណៈជិះម៉ូតូតាមដងផ្លូវបានសម្រេចកាលពីវេលាម៉ោង១៦និង៣០នាទី ថ្ងៃទី២២ ខែកុម្ភៈ ឆ្នាំ២០២០ នៅចំណុចមុខផ្សារស៊ិនជូរី តាមបណ្តោយមហាវិថីសហព័ន្ធរុស្ស៊ី ស្ថិតក្នុងភូមិតាងួន១ សង្កាត់កាកាប ខណ្ឌពោធិ៍សែនជ័យ ហេីយព្យាយាមគេចខ្លូន តែត្រូវនគរបាលស្រាវជ្រាវតាមចាប់បានមកវិញនៅចំណុចផ្លូវ១៩៨៦ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
ជនរងគ្រោះឈ្មោះ ស្រាន ស្រីឡាង ភេទស្រីអាយុ២២ឆ្នាំ មុខរបរលក់ដីឡូត៍ ស្នាក់នៅសង្កាត់ទឹកថ្លា ខណ្ឌសែនសុខ រាជធានីភ្នំពេញ ។
ចំណែកជនសង្ស័យឈ្មោះសារ៉ា បាត់ ភេទប្រុសអាយុ១៩ឆ្នាំ មុខរបរកម្មកររោងចក្រ ស្នាក់នៅភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ ។
តាមសម្តីជនរងគ្រោះបានឲ្យដឹងថា មុនពេលកេីតហេតុរូបនាងបានជិះម៉ូតូចេញពីផ្ទះនៅម្តុំទឹកថ្លាបំណងទៅមន្ទីរពេទ្យក្បែរផ្សារពោធិ៍ចិនតុង ដោយធ្វេីដំណេីរតាមបណ្តោយមហាវិថីសហព័ន្ធរុស្សី ក្នុងទិសដៅពីកេីតទៅលិចខណះមកដល់ចំណុចកេីហេតុស្រាប់តែមានជនសង្ស័យម្នាក់ជិះម៉ូតូមកពីក្រោយធ្វេីសកម្មភាពឆក់ការបូបស្ពានពីនាងបានសម្រេចហេីយគេចខ្លួនបាត់ន ។
សាក្សីបន្តថា បន្ទាប់មករូបនាងបានទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបានកាកាបទី១ ដេីម្បីសុំការអន្តរាគមន៍ដោយក្នុងការបូបមានទូរស័ព្ទភ្ជាក់ប្រព័ន្ធGPS ។
សមត្ថកិច្ចបានឲ្យដឹងថា ក្រោយពីទទួលពាក្យបណ្តឹងជនរងគ្រោះរួចក៏ធ្វេីការស្រាវជ្រាវតាមរយះប្រព័ន្ធGPSរហូតកំណត់មុខសញ្ញាបាននិងធ្វេីការឃាត់ខ្លួនតែម្តង។
នៅចំពោះមុខសមត្ថកិច្ចជនសង្ស័យបានសារភាពថាខ្លួនពិតជាបានធ្វេីសកម្មភាពឆក់ពិតប្រាកដមែន។
បច្ចុប្បន្នជនសង្ស័យត្រូវបាននគរបាលឃុំខ្លួនបណ្តោះអាសន្ននៅអធិការនគរបាលខណ្ឌពោធិ៍សែនជ័យរង់ចាំកសាងសំណុំរឿងបញ្ជូនទៅតុលាការចាត់ការតាមច្បាប់ ៕ សុខា សែនជ័យ
