ជញ្រាំងស្រែប្រមាណ១០ហិចតាត្រូវភ្លើងឆេះខណះរថយន្ត៣គ្រឿងអន្តរាគមន៏បាញ់ពន្លត់

ខេត្តស្វាយរៀង៖ មានភ្លើងឆេះជញ្រាំងស្រែបង្កការភ្ញាក់ផ្អើលដល់អ្នកភូមិនិងរាយការណ៏មកសមត្ថកិច្ចមូលដ្ឋានមកអន្តរាគមន៏យករថយន្តបាញ់ពន្លត់៣គ្រឿងទើបគ្រប់គ្រងស្ថានការណ៏បានដោយឆេះមិនដឹងមូលហេតុនៅឡើយ។

ហេតុការណ៏នេះបានកើតឡើងកាលពីវេលាម៉ោងប្រហែលម៉ោង១០និង៣០នាទៅព្រឹកនៅចំណុចភូមិទាហានក្រោមសង្កាត់ស្វាយតឿ ក្រុងស្វាយរៀង ខេត្តស្វាយរៀង។

យោងតាមសមត្ថកិច្ចនគរបាលក្រុងស្វាយរៀងបានអោយដឹងថាបន្ទាប់ពីទទួលបានព័ត៏មានថាមានភ្លើងឆេះជញ្រាំងស្រែកំលាំងសមត្ថកិច្ចនគរបាលក្រុងស្វាយរៀងបានចុះមកដល់កន្លែងកើតហេតុនិងយករថយន្តអគ្គីភ័យជួយបាញ់ពន្លត់រហូតដល់ម៉ោងប្រមាណ១២ថ្ងៃត្រង់ទើបអាចគ្រប់គ្រងស្ថានការណ៍បានទាំងស្រុងមិនរាលដាលដល់អ្នកភូមិនិងមានគ្រោះថ្នាក់ដល់មនុស្សនោះទេ។

ប្រភពបន្តថាជញ្រាំងស្រែដែលរងការឆាបឆេះនេះប្រហែលប្រមាណ១០ហិចតាខណះមានរថយន្តពន្លត់អគី្គភ័យចំនួន៣គ្រឿងរបស់អធិការដ្ឋាននគរបាលក្រុងស្វាយរៀងរថយន្តរបស់កងរាជអាវុធហត្ថខេត្តនិងរបស់អធិការដ្ឋានស្រុកស្វាយទាបផងដែរ។

ប្រភពបន្តថាមានករណីភ្លើងឆេះនេះដោយ មិនដឹងមូលហេតុនោះទេខណះសមត្ថកិច្ចកំពុងស្រាវជ្រាវបន្តទៀត។  យឹមសុថាន