បុរសម្នាក់ ស្រវឹងស្រាដេកដួលក្អួតលើចិញ្ចើមផ្លូវជិតស្តុបបូកគោ ទាំងថ្ងៃ

ភ្នំពេញ ៖ យោងតាមផេកហ្វេសប៊ុករបស់ អធិការដ្ឋាននគរបាលខណ្ឌបឹងកេងកង បានឲ្យដឹងថា សូមឆ្លើយបំភ្លឺព័ត៌មាន ជូនជ្រាបដែលថា មានជនជាតិចិនប្រកាច់នៅជិតស្តុបបូកគោកាលពីម៉ោងជាង៣រសៀលថ្ងៃទី៦ ខែមីនា ឆ្នាំ២០២០នេះ តាមពិតជាជនជាតិខ្មែរយេីងទេគាត់ស្រវឹងស្រា ហើយដេកដួលក្អួតមិនមានជំងឺអ្វីនោះទេ ។

ប្រភពដដែលបន្តថា នៅវេលាម៉ោង២និង៤០នាទីរសៀលថ្ងៃទី៦ ខែមីនា ឆ្នាំ២០២០ មានគណនីហ្វេសប៊ុក មួយបានបង្ហោះថា មានជនជាតិចិនប្រកាច់ដួលនៅជិតស្តុបបូកគោនោះគឺមិនពិតទេតាមពិតអ្នកដែលដេកដួលនោះ គឺជាជនជាតិខ្មែរយើងដែលគាត់ស្រវឹងតែប៉ុណ្ណោះ ។

ដោយមុនពេលកើតហេតុ គឺមានបុរសម្នាក់ជាជនជាតិខ្មែរ អាយុជាង៣០ឆ្នាំ គាត់បានអង្គុយលើចិញ្ចើមផ្លូវព្រះមុនី្នវង្ស ជិតផ្លូវលេខ៣៦០ ក្នុងសង្កាត់បឹងកេងកងទី៣ ខណ្ឌបឹងកេងកងលុះអង្គុយបានបន្តិចគាត់បានដួលក្អួតដោយសារគាត់ស្រវឹងស្រា តែប្រហែល២០នាទីក្រោយមក បុរសដែលក្អួតដេកដួលបានដឹងខ្លួនវិញហើយប្រពន្ធរបស់គាត់នៅមើលថែរគាត់ផងដែរ ។

ក្រោយពីគាត់ស្វាងស្រាបន្តិច ក៏ត្រូវបានប្រពន្ធនាំជិះម៉ូតូរ៊ឺម៉កចេញទៅបាត់ ៕ស រស្មី