ព័ត៌មានទាន់ហេតុការណ៍៖

ចោរស្រីសកម្មនឹងអំពើលួច ត្រូវតុលាការខេត្តកណ្តាលសម្រេចឃុំខ្លួនដាក់ពន្ធនា​គារបណ្តោះអាសន្ន

ចែករំលែក៖

ខេត្តកណ្តាល ៖ លោក ថោង ផល្លារង្សី ចៅក្រមសើបសួរសាលាដំបូងខេត្តកណ្តាល នៅល្ងាចថ្ងៃទី០៩ ខែមីនា ឆ្នាំ២០២០ បានសម្រេចចេញដីការឃុំខ្លួន ចោរស្រីលួចបារីយ៉ាងសកម្ម ម្នាក់នៅស្រុកខ្សាច់កណ្តាល ដាក់ពន្ធនាគារបណ្តោះអាសន្ន ពីបទ”អំពើរលួច” តាមមាត្រា៣៥៣ ,៣៥៦ នៃក្រមព្រហ្មទណ្ឌ។

អំពើលួចប្រព្រឹត្តនៅថ្ងៃទី០៨ ខែមីនា ឆ្នាំ២០២០ វេលាម៉ោង៧និង០០នាទី ចំណុចភូមិ​បឹងក្រ​ចាប់​ជេីង​ ឃុំព្រែកតាមាក់​ ស្រុកខ្សាច់កណ្តាល ខេត្តកណ្តាល ។

ជនរងគ្រោះឈ្មោះ លី​ គន្ធី​ ភេទ​ស្រី​ អាយុ៣៦​ឆ្នាំ ជនជាតិខ្មែរ មុខរបរលក់ដូរ​ មានទីលំនៅភូមិ-ឃុំកើតហេតុ ។

ជនត្រូវឈ្មោះ​ អឿន​ ណាន​ ភេទស្រី​ អាយុ៤០​ឆ្នាំ ជនជាតិ ខ្មែរ មុខរបរកសិករ​ មានទីលំនៅភូមិព្រៃធំ​ ឃុំវិហារ​សួគ៌​ ស្រុក​ខ្សាច់​កណ្តាល​ ខេត្ត​កណ្ដាល​ ។

សមត្ថកិច្ចបានប្រាប់អោយដឹងថា ៖ កន្លង​មក​ឈ្មោះ​អឿន​ ណាន​ បានប្រព្រឹត្ត​អំពើ​លួចយកបារីរបស់ឈ្មោះលី​ គន្ធី​ ជាច្រើន​លេីក​មកហើយ ។ នៅថ្ងៃទី​ ០៧ ខែមិនា ឆ្នាំ២០២០​ វេលាម៉ោង​៨និង០០នាទី​ ឈ្មោះ​អឿន​ ណាន​ បានមកទិញនំនៅផ្ទះរបស់ឈ្មោះលី​ គន្ធី​ ហេីយ​បន្លំ​លួច​បារី​ ម៉ាក​ម៉ាយសាវេន​ របស់​ឈ្មោះ​លី​ គន្ធី​ បាន​ចំនួន​០៦សុង​យក​ទៅលក់​ឲ្យ​គេ​បន្ត​ ចំណែក​ឈ្មោះ​លី​ គន្ធី​ មានការសង្ស័យដោយបាត់បារីម៉ាកម៉ាយសាវេន​ ជាញឹកញាប់​ ក៍ឆែកកាម៉េរា​សុវត្ថិភាព​មេីលឃេីញ​ សកម្មភាព​របស់​ឈ្មោះ​អឿន​ ណាន​ លួច​យក​បារីម៉ាក​ម៉ាយសាវេន​ របស់​ខ្លួន​ជាច្រើនលើក ។

​ដល់ថ្ងៃទី​០៨ ខែមិនា ឆ្នាំ២០២០​ វេលាម៉ោង​៧និង០០នាទី​ ឈ្មោះ​លី​ គន្ធី​ កំពុងតែលក់ដូរគ្រឿងចាប់ហួយនៅផ្ទះ របស់​ខ្លូន​ ស្រាប់​តែ​ឈ្មោះ​អឿន​ ណាន​ បានជិះម៉ូតូ​ឌុប​កូនស្រី​មកដល់ផ្ទះឈ្មោះលី​ គន្ធី​ ហេីយ​ធ្វើ​ជា​ទិញ​នំ​ និង​បន្លំ​លួច​យក​បារីម៉ាក​ ម៉ាយសាវេន​ របស់ឈ្មោះលី​ គន្ធី​ ដាក់​ក្នុង​ចង្កេះខោ​ និងកាបូបស្ពាយបានបារីចំនួន​០៩សុង​ ពេល​នោះឈ្មោះលី​ គន្ធី​ បានចាប់​ឈ្មោះ​អឿន​ ណាន​ ឆែកឃេីញបារីរបស់ខ្លួនត្រូវឈ្មោះ​អឿន​ ណាន​ លួច​ដូចនេះ​ ក៍រាយការណ៍ជូនសមត្ថកិច្ចនគរបាលប៉ុស្តិ៍ព្រែកតាមាក់​ និងដាក់ពាក្យបណ្តឹង​ ហេីយ​​សមត្ថកិច្ច​បានបញ្ជូនជនសង្ស័យ​រួម​ជាមួយ​វត្ថុ​តាង​មកអធិការដ្ឋាននគរបាលស្រុកខ្សាច់កណ្តាល​ ។

នៅចំពោះមុខសមត្ថកិច្ចជនសង្ស័យសារភាពថា ៖ ខ្លួនចូលលួចបារីនៅផ្ទះជនរងគ្រោះបានចំនួន ៨លើកមកហើយ។ចំណែកឯជនរងគ្រោះអះអាងថា ៖ រយះពេលតែ​៩ថ្ងៃ ឆែកកាមម៉េរាសុវត្ថភាពឃើញជនសង្ស័យលួចបារីអស់ចំនួន៥៩សុង គិតប្រាក់​៣លានរៀល៕ ឆ ដា


ចែករំលែក៖