សារព័ត៌មាន នគរវត្ត តែងតែនាំមុខគេជានិច្ច
អាមេរិក ៖ មានការមន្ទិលសង្ស័យជាច្រើនថាលោកត្រាំ ក៏បានឆ្លងវីរុសផ្លូវដង្ហើម កូវីដ-១៩នោះដែរ ដោយសារតែ អភិបាលក្រុង Miami លោក Francis Suarez នៅថ្ងៃទី១៤ខែមីនានេះបានរកឃើញឆ្លងវីរុសកូវីដ-១៩ ពីមន្ត្រីប្រេស៊ីលដែលបានបំពេញទស្សនកិច្ច ពេលកន្លងមកថ្មីៗ។ ក្រោយវិលត្រឡប់ពីអាមេរិកមន្ត្រីប្រេស៊ីល រកឃើញមានផ្ទុកវីរុសកូវីដ-១៩។
អភិបាលក្រុង Francis Suarez ជាមនុស្សម្នាក់ក្នុងចំណោមគណៈប្រតិភូអាមរិកដឹកនាំដោយប្រធានាធិបតី ដូណាល់ ត្រាំ ក្នុងការទទួលស្វាគមន៍និងជួបពិភាក្សាការងារជាមួយគណៈប្រតិភូប្រេស៊ីល។
លោក Francis Suarez បានក្លាយជាអភិបាលក្រុង ដំបូងគេបង្អស់របស់អាមេរិក បានឆ្លងរាលដាលនៃវីរុសផ្លូវដង្ហើមកូវីដ-១៩នេះ។ អភិបាលក្រុង Miami រួមជាមួយតំណាងរាស្ត្រ Rick Scott និងប្រធានាធិបតីដូណាលត្រាំ បានជួបជាមួយ ប្រធានាធិបតី ប្រេស៊ីល លោក Jair Bolsonaro ។
មន្ត្រីប្រេស៊ីលលោក Fabio Wajngarten ត្រូវបានរកឃើញថាឆ្លងវីរុសកូវីដ-១៩ បន្ទាប់ពីត្រឡប់ពីអាមេរិក ទៅប្រេស៊ីលវិញ។
នៅពេលនេះដែរ ប្រធានាធិបតីអាមេរិក មានទំនាក់ទនង ដោយផ្ទាល់ និងប្រយោលជាមួយមនុស្សជាច្រើន ដែលមានផ្ទុកនូវវីរុសរលាកផ្លូវដង្ហើមប្រភេទថ្មី ឬវីរុសកូរ៉ូណា (កូវីដ១៩) ទើបធ្វើឲ្យពិភពលោកសង័្សយថា លោកប្រធានាធិបតីអាមេរិក អាចនឹងឆ្លងវីរុសកូវីដ១៩នេះ។
កាលពីចុងសប្ដាហ៍មុន លោក ដូណាល់ ត្រាំ ប្រធានាធិបតីអាមេរិក បានចំណាយពេលជាលក្ខណៈឯកជនរបស់លោក នៅក្នុងរដ្ឋហ្លរីដា ជាមួយនឹងគណៈប្រតិភូប្រេស៊ីល។ រីឯមន្រ្ដីមួយចំនួន ក្នុងចំណោមគណៈប្រតិភូទាំងនោះ ត្រូវបានធ្វើតេស្ដរកឃើញមានផ្ទុកវីរុសកូវីដ១៩។ ប៉ុន្ដែព័ត៌មាននេះ ទើបតែបែកធ្លាយ កាលពីថ្ងៃសុក្រ ទី១៣ ខែមីនា ។ ក្រៅពីនេះ លោកប្រធានាធិបតី ក៏មានទំនាក់ទំនងជាមួយនឹងតំណាងរាស្រ្ដ ត្រូវបានធ្វើតេស្ដ រកឃើញមានផ្ទុកវីរុសកូវីដ១៩។ ក្រៅពីនេះ លោក ត្រាំ ក៏មានទំនាក់ទំនងជាមួយមនុស្សជាច្រើនទៀត ទាំងផ្ទាល់ និងប្រយោល ទើបពលរដ្ឋអាមេរិក ក៏ដូចជា ពិភពលោក សង្ស័យលោកត្រាំ អាចនឹងឆ្លង
វីរុសនេះ។
លោក ដូណាល់ ត្រាំ បានថ្លែង កាលពីថ្ងៃទី១៣ ខែមីនា ថា លោកប្រហែលជានឹងទៅធ្វើតេស្ដ រកវីរុសកូរ៉ូណា ឬវីរុសកូវីដ១៩។ ជាមួយគ្នានេះដែរ ក៏មានសំណួរលើកឡើងថា ហេតុអ្វីបានជាលោក និងជំនួយការកំពូលរបស់លោក ហើយគ្រួសារមិនការពារខ្លួនរបស់ពួកគេ? ករណីនេះក៏ដោយសារកន្លងមក អ្នកដែលមានទំនាក់ទំនងជាមួយលោក រកឃើញមានវីរុសកូវីដ១៩។
ដោយសារតែការរីករាលដាល នៃវីរុសកូវីដ១៩ ទាំងនៅលើទឹកដីអាមេរិក និងពិភពលោក ទើបជំរុញឲ្យលោក ត្រាំ កាលពីថ្ងៃទី១៣ ខែមីនា បានសម្រេចប្រកាសអាសន្នអំពីបញ្ហាសុខភាព នៅទូទាំងប្រទេស។ ទោះជាយ៉ាងណា រហូតមកដល់ពេលនេះ អាមេរិកបានប្រកាសលុបចោលជើងហោះហើរទាំងអស់ ហើយអាមេរិកត្រូវតែធ្វើសង្រ្គាម ប្រយុទ្ធប្រឆាំងនឹងការរីករាលដាល នៃវីរុសកូវីដ១៩នេះ៕ ម៉ែវ សាធី
