🇫🇷 ប្រធានាធិបតីបារាំង«យើងស្ថិតក្នុងសង្រ្គាមសុខភាព»ប្រឆាំងនឹងមេរោគCovid-19

ប្រធានាធិបតីនៃសាធារណរដ្ឋបារាំងបានដាក់ចេញវិធានការណ៍ថ្មីដើម្បីប្រយុទ្ធប្រឆាំងនឹងការរីករាលដាលនៃវីរុសCovid-19 ។ នៅល្ងាចថ្ងៃចន្ទ ទី១៦ ខែមីនា នៅក្នុងសុន្ទរកថាតាមកញ្ចក់ទូរទស្សន៍លោកបានប្រើឃ្លាថា«យើងកំពុងស្ថិតក្នុងសង្រ្គាមសុខភាព»។

យើងកំពុងធ្វើសង្រ្គាមសុខភាពវាជាការពិត យើងមិនបានប្រយុទ្ធប្រឆាំងនឹងកងទ័ពឫប្រឆាំងនឹងប្រទេសផ្សេងទេ។ប៉ុន្ដែសត្រូវរបស់យើងគឺនៅទីនេះ មើលមិនឃើញ ចាប់មិនបាន នេះហើយជាមូលហេតុដែលយើងទាំងអស់គ្នាត្រូវតែមានស្មារតីទទួលខុសត្រូវ ចៀសវាងការភ័យស្លន់ស្លោ និងកុំជឿពាក្យចចាមអារាមឫ អ្នកមិនដឹងពិតប្រាកដ។ រដ្ឋាភិបាលកំពុងខិតខំប្រឹងប្រែងយ៉ាងខ្លាំងដើម្បីទប់ស្កាត់ការរីករាលដាលនៃជម្ងឺCovid-19។

លោកអេម៉ានុយអែលម៉ាក្រុងបានមានប្រសាសន៍តាមកញ្ចក់ទូរទស្សន៍ទៅកាន់ពលរដ្ឋបារាំងគាត់បាននិយាយម្ដងហើយម្ដងទៀតជាច្រើនដងថា«យើងកំពុងធ្វើសង្រ្គាម»គាត់បានស្នើសុំប្រជាជនបារាំងឲ្យមានការលះបង់ដើម្បីកាពារជនទន់ខ្សោយដែលងាយរងគ្រោះនឹងវីរុសCovid-19និងដើម្បីវិវឌ្ឍន៍នៃវិបត្ដិនេះ។ ប្រមុខរដ្ឋបានប្រកាសកាត់បន្ថយការធ្វើដំណើរនៅលើទឹកដីប្រទេសបារាំងទាំងមូលរួមទាំងនៅបរទេសផងដែរគិតត្រឹមថ្ងៃអង្គារយ៉ាងហោចណាស់ក្នុងរយៈពេល១៥ថ្ងៃ លោកបានបន្តទៀតថា វិធានការណ៍នេះត្រូវបានក្រុមគ្រូពេទ្យទាមទារឲ្យអនុវត្ដដូចប្រទេសអុីតាលីដែលមានរយៈពេលតាំងពីមួយសប្ដាហ៍មកម្លេះ។ ការជួបជុំមិត្តភក្តិឫទៅសួនឧទ្យានមិនមានទៀតទេ ការចេញទៅក្រៅត្រូវតែជារឿងចាំបាច់ដូចជាព្យាបាលជម្ងឺ ទិញម្ហូបអាហារ ឬសូម្បីទៅកន្លែងធ្វើការដែលឆ្ងាយគឺមិនអាចធ្វើទៅបានទៀតទេ។ លោកបានបញ្ជាក់ថា រាល់ការរំលោភលើច្បាប់ទាំងអស់នេះនឹងត្រូវទទួលទោស។ លោក អេម៉ានុយអែលម៉ាក្រុង ក៍បានជុំរុញឲ្យក្រុមហ៊ុនទាំងអស់ជួយសម្រួលដល់ការងារពីចម្ងាយផងដែរ ។

រដ្ឋមន្រ្ដីក្រសួងមហាផ្ទៃលោក Christophe Casataner បានបន្ថែមថា ការមិនអនុវត្ដតាមច្បាប់ត្រូវផ្តន្ទទោសដោយពិន័យជាទឹកប្រាក់៣៨អឺរូហើយនឹងត្រូវដំឡើងដល់១៣៨អឺរូក្នុងករណីមិនរៀងចាល។ ដោយ៖ម្លិះ