ជនសង្ស័យម្នាក់ក្នុងចំណោម២នាក់ត្រូវសមត្ថកិច្ចឃាត់ខ្លួនករណីប៉ុនប៉ងលួចម៉ូតូមិនបានសម្រេច

ខេត្តស្វាយរៀង៖ ជនសង្ស័យជនជាតិវៀតណាមម្នាក់ក្នុងចំណោមពីនាក់ត្រូវបានសមត្ថកិច្ចនគរបាលប៉ុស្ត៍រដ្ឋបាលបាវិតឃាត់ខ្លួនបន្ទាប់ពីម្ចាស់ផ្ទះរាយការណ៏មកថាមានជនសង្ស័យចូលក្នុងផ្ទះរបស់គាត់បំរុងលួចម៉ូតូខណះសមត្ថកិច្ចកំពុងជិះល្បាតក្បែរគោលដៅផងមកទាន់ពេលឃាត់បានម្នាក់។

ការឃាត់ខ្លួននេះនៅវេលាម៉ោង៨និង៣០នាទីយប់ថ្ងៃទី២០ខែមិនាឆ្នាំ២០២០ស្ថិតនៅចំណុចភូមិបាវិតកណ្ដាលសង្កាត់បាវិតក្រុងបាវិតខេត្តស្វាយរៀង។

បើតាមសមត្ថកិច្ចនគរបាលក្រុងបាវិតបានអោយដឹងថាជនសង្ស័យដែលឃាត់ខ្លួនមានឈ្មោះត្រឺង អាំងគ្វៀត ភេទប្រុសអាយុ៣៦ឆ្នាំជនជាតិវៀតណាមមុខរបរមិនពិតប្រាកដមានទីលំនៅភូមិធីហ្វុកឃុំធីហ្វុកស្រុកថេធីខេត្តថេប៊ិនប្រទេសវៀតណាម។

និងម្នាក់ទៀតដែលរត់គេចខ្លួនត្រូវបានស្គាល់ឈ្មោះទឹង ភេទប្រុសអាយុប្រហែល៣២ឆ្នាំជនជាតិវៀតណាមមិនស្គាល់អត្តសញ្ញាណ។

ចំណែកជនរងគ្រោះជាម្ចាស់ម៉ូតូមានឈ្មោះលី ចាន់ម៉ាឡៃ ភេទស្រីអាយុ៥២ឆ្នាំជនជាតិខ្មែរមានទីលំនៅភូមិបាវិតកណ្ដាលសង្កាត់បាវិតក្រុងបាវិតខេត្តស្វាយរៀង។

តាមជនសង្ស័យឈ្មោះត្រឺង អាំងគ្វៀត បានសារភាពប្រាប់សមត្ថកិច្ចថាខ្លួននិងបក្សពួកម្នាក់ទៀតបានដើរចេញពីកា

សុីណូមួយកន្លែងមកដល់ខាងក្រោយផ្សារអន្តរជាតិស្ថិតក្នុងភូមិបាវិតកណ្ដាលសង្កាត់បាវិត ក្រុងបាវិត ខេត្តស្វាយរៀងគោលបំណងដើម្បីរកលួចម៉ូតូខណះនោះក៏បានដើរចូលផ្ទះខាងលើបំរុងធ្វើសកម្មភាពស្រាប់តែសមត្ថកិច្ចនគរបាលជិះល្បាតតាមផ្លូវមកដល់ឃាត់ខ្លួនបានចំណែកបក្សពួកម្នាក់ទៀតរត់គេចខ្លួនបាត់ស្រមោលតែម្ដង។

ពិតប្រាកដមែន។

បច្ចុប្បន្នជនសង្ស័យត្រូវបានសមត្ថកិច្ចឃាត់ខ្លួនជាបណ្តោះអាសន្ន នៅប៉ុស្តិ៍នគរបាលរដ្ឋបាលបាវិតដើម្បីបំពេញសុំណុំរឿងបញ្ជូនទៅការរិយាល័យជំនាញខេត្ត ចាត់ការតាមនិតិវិធីច្បាប់។

រីឯជនសង្ស័យម្នាក់ដែលរត់គេចខ្លួននោះសមត្ថកិច្ចកំពុងស្រាវជ្រាវបន្តដើម្បីស្វែងរកចាប់ខ្លួនមកផ្ដន្ទាទោសតាមច្បាប់។ យឹម សុថាន