គណ:បញ្ជាការឯកភាពខណ្ឌពោធិ៍សែនជ័យចុះបង្ក្រាបទីតាំងអ៉ិនធឺណេតអនឡាយ០២កន្លែងដកហូតកុំព្យូរទ័រមួយចំនួន

ភ្នំពេញ​៖​ ទីតាំងល្បែកអ៉ិនធឺណេត​បង្កប់ល្បែងហ្គេមអនឡាញ២កន្លែងផ្សេងគ្នាដែលទី១ស្ថិតនៅភូមិ​ អង្គ​  ទី២នៅភូមិថ្នល់បំបែក​  សង្កាត់ចោមចៅទី៣​ ខណ្ឌពោធិ៍សែនជ័យ​  រាជធានីភ្នំពេញ​  ត្រូវបានកម្លាំងគណះបញ្ជាការឯកភាពធ្វេីការចុះបង្ក្រាបកាលពីវេលាម៉ោង៣រសៀលថ្ងៃទី២៣ខែមីនាឆ្នាំ២០២០​ ដោយដកហូត​ សម្ភារ:កុំព្យូរទ័រ​មួយចំនួន​ធំ។

តាមការបញ្ជាក់ពីលោក​ សុទ្ធ​ សុជាតិ​ ចៅសង្កាត់រងចោមចៅទី៣​ បានប្រាប់ឱ្យដឹងថា​ កន្លងមកអាជ្ញាធរបានហាមមិនឱ្យបេីកល្បែងស៊ីសងនោះទេ​ នៅក្នុងមូលដ្ឋាន។

លោកបានបញ្ជាក់ទីតាំងទី១​ មានយីហោ​ CH ស្ថិតនៅភូុមិអង្គ​ ម្ចាស់បានលួចបេីកអ៉ិនធឺណេតបង្កប់ល្បែងស៊ីសងប្រភេទអនឡាញលេងដោយពុំមានសុំច្បាប់ត្រឹមត្រូវនៅទេ។

ចំណែកទីតាំងទី២​ ស្ថិតនៅភូមិថ្នល់បំបែក​ ទីតាំងខាងលេីមិនមានយីហោត្រឹមត្រូវនោះទេតែមានការសុំច្បាប់បេីកសេវាអ៉ិនធឺណេតធម្មតា​ តែបែជាលួចបង្កប់ល្បែងស៊ីសងខុសច្បាប់មិនត្រឹមតែប៉ុណ្ណោះទីតាំងខាងលេីនេះបានបេីកក្បែរសាលារៀនទៀត។ រហូតមកដល់ថ្ងៃទី២៣នេះទេីបកម្លាំងគណះបញ្ជាការឯកភាពខណ្ឌពោធិ៍សែនជ័យ​ ចុះបង្ក្រាបតែម្តងដោយទីតាំងទី១​ ដកហូតម៉ូន័រទ័រចំនួន២១គ្រឿង​ ដោយឡែកទីតាំងទី២​ ដកហូតកុំព្យូរទ័រចំនួន៤គ្រឿង។

បច្ចុប្បន្ន​សម្ភារះទាំងនោះត្រូវបានត្រូវបានយកទៅរក្សាទុកនៅសាលាខណ្ឌពោធិ៍សែនជ័យរងចាំម្ចាស់ចូលខ្លួនមកដោះស្រាយ៕ដោយ៖ សុខាសែនជ័យ​