ភ្នំពេញ៖ រថយន្តស៊េរីទំនេីប២គ្រឿងបុកគ្នានៅផ្លូវបំបែកជាបួន បណ្ដាលឲ្យម្ខាងក្រឡាប់ផ្ងារជេីងទៅគងលើបង្កាន់ដៃច្រកចូលផ្លូវចំណតរថយន្តក្រសួងហិរញ្ញវត្ថុក្រោមដីក្រោមដីបាក់អស់ជិត១០ ម៉ែត្រនិងម្ខាងទៀតខ្ទេចផ្នែកខាងមុខ។
ហេតុការណ៍នេះ បង្កឲ្យមានការភ្ញាក់ផ្អេីលដល់ប្រជាពលរដ្ឋ និងសមត្ថកិច្ចដែលប្រចាំនៅក្បែរកន្លែងកេីតហេតុ នៅម៉ោង១១និង១០នាទីយប់ ថ្ងៃទី២៧ ខែមីនា ឆ្នាំ២០២០ នៅតាមបណ្ដោយផ្លូវលេខ៦១ កែងផ្លូវលេខ៩៦ ក្បែរស្ថានទូតអាមេរិក ក្នុងសង្កាត់វត្តភ្នំ ខណ្ឌដូនពេញ ។
ប្រភពពត៌មាមពីសមត្ថកិច្ចនៅកន្លែងកើតហេតុបានឲ្យដឹងថា មុនកេីតហេតុគេឃេីញរថយន្តមួយគ្រឿងម៉ាក Ford ពណ៌ខ្មៅ ពាក់ស្លាកលេខ 2AP-9977(ភាគីខាងក្រឡាប់) បានធ្វេីដំណេីរតាមបណ្ដោយផ្លូវលេខ៩៦ ក្នុងទិសដៅពីលិចទៅកើតយ៉ាងលឿន ខណៈមកដល់ចំណុចផ្លូវបំបែកជាបួន កន្លែងកេីតហេតុ ក៏មានរថយន្តម៉ាក Ford ពពណ៌ខ្មៅមួយគ្រឿងទៀត ពាក់ស្លាកលេខ ភ្នំពេញ 2BD-5080 បានធ្វេីដំណេីរតាមបណ្ដោយផ្លូវ៦១ ក្នុងទិសដៅពីត្បូងទៅជេីងក្នុងល្បឿនលឿនដូចគ្នា ក៏បុករថយន្តម៉ាកFordខាងលេីបណ្ដាលឲ្យក្រឡាប់ ជាច្រេីនត្រឡប់ទៅបុកនឹងបង្កាន់ដៃផ្លូវក្រោមដីចំណតរថយន្តក្រសួងហិរញ្ញវត្ថុអស់ជាច្រើនម៉ែត្រធ្លាក់ទៅខាងក្រោម រងការខូចខាតបន្ថែមទៀត រីឯភាគីរថយន្តបង្កបានរងការខូចខាតផ្នែកខាងមុខរ តែសំណាងល្អនៅក្នុងហេតុការណ៍គ្រោះថ្នាក់ចរាចរណ៍ខាងលេីនេះមិនបណ្ដាលឲ្យមនុស្សណាម្នាក់រងរបួសនោះឡេីយ ។
បន្ទាប់ពីកើតហេតុសមត្ថកិច្ចជំនាញចរាចរចុះមកស្ទូចយករថយន្តទាំងពីរគ្រឿងទៅរក្សាទុកនៅការិយាល័យចរាចរផ្លូវគោករងចាំដោះស្រាយគ្នានៅពេលក្រោយ៕ ជ្រោយពេជ្រ
សារព័ត៌មាន នគរវត្ត តែងតែនាំមុខគេជានិច្ច
