សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ តារាចម្រៀងប្រចាំផលិតកម្មថោនលោក សុគន្ធ ថេរ៉ាយុ ជួបទុក្ខធំដោយលោកឪពុកជាទីស្រឡាញ់បានទទួលមរណភាព កាលពីថ្ងៃទី៣០ ខែមីនា ឆ្នាំ២០២០ ដោយរោគគាពាធពេលនេះសពត្រូវបានក្រុមគ្រួសារយកទៅធ្វើបុណ្យតាមប្រពៃណីខ្មែរនៅគេហដ្ឋាននាសង្កាត់ភ្នំពេញថ្មី។
អ្នកគាំទ្រ តារាចម្រៀង សុគន្ធថេរ៉ាយុ ពិតជាមានអារម្មណ៍ក្ដុកក្ដួលតាមតារាចម្រៀងរូបនេះក្រោយពីលោកបាន រៀបរាប់នៅលើហ្វេសប៊ុកថា៖”វាពិតជាលឿនណាស់សម្រាប់ខ្ញុំ និងក្រុមគ្រួសារ ប៉ា បានចាកចេញពីពួកខ្ញុំលឿនខ្លាំងណាស់ សឹងតែមិនចង់ជឿ សូមឲ្យប៉ាទៅកាន់សុគតិភព។ ចំពោះប្អូនៗប៉ាកុំបារម្ភខ្ញុំនឹងមើលថែប្អូនៗឲ្យបានល្អ លោកប៉ាហត់ហើយសម្រាន្តចុះ”។ មានសារចែករំលែកទុក្ខជាច្រើនពីអ្នករួមអាជីពក្រោយពីគេទទួលបានដំណឹងមួយនេះ។
ឪពុករបស់ សុគន្ធ ថេរ៉ាយុ ដែលមានឈ្មោះ អេឡិច ចាន់ ទទួលមរណភាពដោយរោគាពាធ។ ការចូលរួមរំលែកទុក្ខពីមិត្តភ័ក្រ្ដទាំងក្នុង និងក្រៅសិល្បៈគឺជាការលើកទឹកចិត្តមួយដល់ សុគន្ធ ថេរ៉ាយុ ថាខ្លួនមិនឯកោនោះទេ នូវពេលមានទុក្ខតែងតែមានអ្នកចាំផ្ដល់កម្លាំងចិត្តឲ្យជានិច្ច៕ ដោយ វឌ្ឍនា
