រថយន្តដឹកសាំងរបស់ក្រុមហ៊ុនSOKIMEXបេីកលឿនរ៉េចង្កូតទៅបុកឃឿនពុះចែកទ្រូងផ្លូវនឹងបង្គោលភ្លេីងបាក់អស់០១ដេីមរៀបដល់ដី

ភ្នំពេញ​ ៖​ បុរសម្នាក់​ បានបេីករថយន្តដឹកសាំងរបស់ក្រុមហ៊ុនSokimex​ ធ្វេីដំណេីរក្នុងល្បឿនលឿនហេីយរ៉េចង្កូតទៅបុកឃឿនពុះចែកទ្រូងផ្លូវនឹងបង្គោលភ្លេីងបាក់អស់០១ដេីម​ កាលពីវេលាម៉ោង១០នឹង៣០នាទីយប់ថ្ងៃទី៦​ ខែមេសា​ ឆ្នាំ២០២០​ នៅតាមបណ្ដោយផ្លូវជាតិលេខ១​ ក្នុងសង្កាត់និរោធិ៍​ ខណ្ឌច្បារអំពៅ​រាជធានីភ្នំពេញ។

តាមការរៀបរាប់ពីបុរសម្នាក់ដែលជាតៃកុងរថយន្តបង្ក​បានប្រាប់ឲ្យដឹងថា​ គាត់បានបេីករថយន្តដឹកសាំងឲ្យក្រុមហ៊ុនSokimex​ ដោយរថយន្តខាងលេីម៉ាកHiyundai  ក្បាលពណ៍ក្រហម​ ពាក់ស្លាកលេខ​ ព្រះសីហនុ3A.6522​ បានដឹកសាំងដែរមានចំណុះ៨០០០លីត្រចេញពីភ្នំពេញទៅដាក់ឲ្យម៊ូយនៅខេត្តព្រៃវែង​ លុះនៅពេលត្រលប់មកភ្នំពេញវិញបានធ្វេីដំណេីរតាមបណ្ដោយផ្លូវជាតិលេខ១​ទិសដៅពីកេីតទៅលិច​ ខណៈមកដល់ចំណុចក្បែរមន្ទីពេទ្យជោរៃ​ ស្រាប់តែមានរថយន្តមួយគ្រឿងមិនចាំម៉ាកបានវ៉ាខាងស្ដាំរថយន្តរបស់គាត់ក៏បានអកហ្សឺរ៉េចង្កូតទៅបុកឃឿនពុះចែកទ្រូងផ្លូវរួចជ្រុលទៅបុកបង្គោលភ្លេីងបាក់អស់មួយដេីមរៀបដល់ដីរងការខូខាត​យ៉ាងដំណំ​ ។ ឯរថយន្តបង្កបានដាច់កាឡេរបេីកទៅមុខលែងរួច​ សំណាងល្អដែរមិនមានអ្នកណារងរបួសឡេីយ។

​  ក្រោយកេីតហេតុសមត្ថកិច្ចជំនាញបានធ្វេីការវាស់វែងនឹងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោក​ នៃស្នងការដ្ឋាននគរបាលរាជធានីភ្នំពេញ​ រង់ចាំអ្នកដំណាងខាងរថយន្តចូលខ្លួនមកដោះស្រាយតាមនីតិវិធីច្បាប់៕ដោយ៖​ ភារ៉ា​ ដង្កោ