បុរសព្រូឡានម្នាក់បានស្លាប់នៅកន្លែងកើតហេតុដោយសារឡានស្ទូចថយមកកិន

ខេត្តព្រះសីហនុ៖ បុរសព្រូឡានម្នាក់បានស្លាប់ភ្លាមៗនៅកន្លែងកើតហេតុ ក្រោយឡានស្ទូចក្នុងក្រុមការងាររបស់ខ្លួនថយមកកិន នៅការដ្ឋានធ្វើផ្លូវវត្តលើចុះមកសង្កាត់លេខ២ក្រុងព្រះសីហនុ វេលាម៉ោងជិត៧យប់ថ្ងៃ៦មេសា២០២០នេះ។ សមត្ថកិច្ចប្រាប់ថា នេះជាគ្រោះថ្នាក់ការងារ រវាងអ្នកបើកបរនិងព្រូឡាន និងថាក្រោយកើតហេតុអ្នកបើកបរឡានស្ទូចបានរត់គេចខ្លួន។ បើតាមសមត្ថកិច្ចថា  មូលហេតុកើតឡើងដោយសាររថយន្តនេះស្ទួចដែកធ្វើផ្លូវ ក្រោយពីទម្លាក់ដែកចុះហើយ អ្នកបើកបរ បាន បើកថយក្រោយ បណ្តាលអោយកៅស៊ូតង់សំរាប់ក្រាលធ្វើផ្លូវរមូល ទាញយកជនរងគ្រោះដែលកំពុងសុីញ៉ូរថយន្ត ចូលក្រោមកង់រថយន្តបណ្តាលអោយកិនស្លាប់ភ្លាមៗនៅកន្លែងកើតហេតុ។

ជនរងគ្រោះឈ្មោះ ដោប ដេត ភេទប្រុស  អាយុ២៦ ឆ្នាំ  មុខរបរ ព្រូរថយន្ត មានស្រុកកំណើតស្រុកមេសាង ខេត្តព្រែវែង។

បច្ចុប្បន្នសាកសពបានប្រគល់អោយក្រុមគ្រួសារយកទៅធ្វើបុណ្យតាមប្រពៃណីយ៍៕ ឆ្លាម សមុទ្រ