សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖សមត្ថកិច្ចអនុវត្តច្បាប់ចរាចរណ៏ផ្លូវគោកបានឃាត់បុរសសង្ស័យ ម្នាក់ដែលជិះម៉ូតូមានថ្នាំញៀនក្នុងខ្លួនចំនួន៥កញ្ចប់ធំតូចកាលពីវេលាម៉ោងជាង ៣រសៀលថ្ងៃ ទី៣ខែ ឧសភាឆ្នាំ ២០២០ស្ថិតក្នុងភូមិបាក់រនាស់ សង្កាត់សង្ឃ័រក្រុងស្វាយរៀងខេត្តស្វាយរៀង។
បើតាមសមត្ថកិច្ចនគរបាលក្រុងស្វាយរៀងបានអោយដឹងថា បុរសសង្ស័យមាន ឈ្មោះហ៊ុនទិព្យនិរត្ន័ ហៅសំដីអាយុ២៣ឆ្នាំ មុខរបរមិនពិតប្រាកដមានទីលំនៅ បច្ចុប្បន្ននៅភូមិតាកឹងឃុំព្រៃធំស្រុកកំពងរោទ៍ខេត្តស្វាយរៀង។
ចំណែកសម្ភារៈវត្ថុតាងដកហូត រួមមានម្ស៉ៅក្រាមពណ៌សសង្ស័យថាថ្នាំញៀន៥កញ្ចប់(ធំ២តូច៣)ម៉ូតូ១គ្រឿងនឹងទូរស័ព្ទ៣គ្រឿង។
ប្រភពបន្តថាខណះសមត្ថកិច្ចកំពុងអនុវត្តច្បាប់ចរាចរណ៏ផ្លូវគោក ពិនិត្យជាតិអាកុលនិងអាវុធជាតិផ្ទុះនៅតាមផ្លូវ នៅភូមិបាក់រនាស់សង្កាត់សង្ឃ័រក្រុងស្វាយរៀងខេត្តស្វាយរៀង ស្រាប់តែបុរសម្នាក់ បានជិះម៉ូតូមួយគ្រឿងម៉ាកបីត ពណ៌ស ស្លាកលេខស្វាយរៀង១O-៤៧៤៣ខណះមានការសង្ស័យ សមត្ថកិច្ចបានឃាត់សាកសួរបែកធ្លាយមាន ថ្នាំញៀននិងធ្វើតេស្តទឹកនោមស្វែងរកសារធាតុញៀនជាលទ្ធផលវិជ្ជមាន។
បច្ចុប្បន្ន ជនសង្ស័យខាងលើ ត្រូវបានសមត្ថកិច្ចឃាត់ខ្លួននៅអធិការដ្ឋាននគរបាលក្រុងស្វាយរៀងដើម្បីចាត់ការបន្តតាមច្បាប់៕យឹម សុថាន
