សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅថ្ងៃទី១២ ខែឧសភា ឆ្នាំ២០២០នេះ លោក ខៀវ កាញារីទ្ធ រដ្ឋមន្ដ្រី ក្រសួងព័ត៌មាន បានចេញប្រកាសលុបចោលអាជ្ញាបណ្ណស្ថានីយវិទ្យុ FM99.75MHz និងគេហទំព័រឈ្មោះ «រិទ្ធិសែន»។
ការសម្រេចលុបនេះ ដោយសារម្ចាស់អាជ្ញាបណ្ណទាំងពីរខាងលើ បានផ្សព្វផ្សាយព័ត៌មានបំផ្លើសការពិត ញុះញង់ឲ្យកើតមានអំពើហិង្សា បង្កការរើសអើងពូជសាសន៍ បង្កអសន្ដិសុខ និងចលាចលនៅក្នុងសង្គម ដែលជាការរំលោភបំពានលើវិជ្ជាជីវៈ និងកិច្ចសន្យាដែលសាមីខ្លួនបានតម្កល់នៅក្រសួងព័ត៌មាន។ នេះបើតាមការបញ្ជាក់ពី លោករដ្ឋមន្ដ្រី ខៀវ កាញារីទ្ធ ។
មិនតែរដ្ឋមន្ត្រី ក្រសួងព័ត៌មាន សម្រេចលុបអាជ្ញាបណ្ណវិទ្យុ FM99.75 នៅខេត្តកំពង់ឆ្នាំង និងគេហទំព័រ «រិទ្ធិសែន» ក្រោយផ្សាយព័ត៌មានបំផ្លើសការពិត ចេតនាញុះញង់ មួយប៉ុណ្ណោះទេ គឺកន្លងមកក្រសួងព័ត៌មាន ក៏ធ្លាប់បានចេញប្រកាសលុបចោលអាជ្ញាបណ្ណគេហទំព័រមួយចំនួនរួចមកហើយ ក្រោយផ្សព្វផ្សាយព័ត៌មានបំផ្លើសពីការពិត និងមានចេតនាញុះញង់ជាដើម៕ដោយ៖សិលា
