សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ ម៉ូតូម៉ាកហុងដាហ៊្សូមើអុិចមួយគ្រឿងខណៈម្ចាស់ជិះមកឈប់នៅមុចហាងរួចដើរចូលប្រមាណ១០នាទីចេញមកវិញស្រាប់តែបាត់មិនឃើញ បង្កការភ្ញាក់ផ្អើលដល់អ្នកភូមិនិងសមត្ថកិច្ចមូលដ្ឋានកាលពីវេលាម៉ោង២និង៤០នាទីរសៀល ថ្ងៃទី១៣ខែឧសភាឆ្នាំ ២០២០នៅចំណុចហាង៣៣៣ ស្ថិតក្នុងភូមិស្រះវង់ សង្កាត់ស្វាយរៀង ក្រុងស្វាយរៀង។
យោងតាមសមត្ថកិច្ចនគរបាលក្រុងស្វាយរៀងបានឱ្យដឹងថា ម្ចាស់ម៉ូតូរងគ្រោះមានឈ្មោះសារ៉ាន កងពេជ្រពិសី ភេទស្រី អាយុ៣៧ឆ្នាំ រស់នៅក្នុងភូមិរោងបន្លែ សង្កាត់ស្វាយរៀង ក្រុងស្វាយរៀង។
ចំណែកម៉ូតូដែលត្រូវជនសង្ស័យមិនស្គាល់អត្តសញ្ញាណលួចកាច់កម៉ាកហុងដាហ៊្សូមើអុិច ពណ៌ខ្មៅពាក់ស្លាកលេខស្វាយរៀង១L-១៨៨២។
បើតាមម្ចាស់ម៉ូតូបានប្រាប់សមត្ថកិច្ចថាមុនកើតហេតុគាត់បានជិះម៉ូតូមួយគ្រឿងម៉ាកហុងដាហ៊្សូមើអុិចមកហាង៣៣៣ស្ថិតក្នុងភូមិស្រះវង់ សង្កាត់ស្វាយរៀង ក្រុងស្វាយរៀងក្នុងគោលបំណងចូលទៅយកលុយ។
ប្រភពបន្ថែមថា ខណៈគាត់ចេញមកក្រៅវិញស្រាប់តែបាត់មិនឃើញម៉ូតូទើបបង្កការភ្ញាក់ផ្អើលដល់អ្នកភូមិនិងរាយការណ៍មកសមត្ថកិច្ចព្រមទាំងដាក់ពាក្យបណ្ដឹងផងដែរ។
បច្ចប្បន្នសមត្ថកិច្ចនគរបាលកំពុងធ្វើកំណត់ហេតុភិនភាគម៉ូតូនិងស្រាវជ្រាវរកជនសង្ស័យដើម្បីតាមចាប់ខ្លួនយកមកចាត់ការតាមច្បាប់៕យឹម សុថាន
