សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់រងរបួសធ្ងន់និងនារីម្នាក់ទៀតរងរបួសស្រាលខណះជិះម៉ូតូឌុបគ្នាលឿនចាប់ហ្វ្រាំងមិនទាន់ក៏ជ្រុលបុករថយន្តព្រូសមួយគ្រឿងពេញទំហឹងពេលបេីកឆ្លងផ្លូវមិនប្រយ័ត្ន។
ហេតុការណ៍នេះបានកេីតឡេីងកាលពីវេលាម៉ោង១២និង១០នាទីរំលងអាធ្រាត្រឈានចូលថ្ងៃទី១៨ខែឧសភា ឆ្នាំ២០២០ នៅចំណុចគល់ស្ពានអាកាសក្បាលថ្នល់ ខាងជេីង តាមបណ្តោយផ្លូវនរោត្តម ស្ថិតក្នុងសង្កាត់ទន្លេបាសាក់ ខណ្ឌចំការមន។
តាមសាក្សីនៅកន្លែងកេីតហេតុបានឱ្យដឹងថា មុនពេលកេីតហេតុ គេបានឃេីញរថយន្តម៉ាកព្រូស ពណទឹកប្រាក់ ពាក់ស្លាកលេខភ្នំពេញ2BC 0938 បេីកបរដោយបុរសជនជាតិចិនម្នាក់ ធ្វេីដំណេីរតាមបណ្តោយផ្លូវនរោត្តម ក្នុងទិសដៅពីជេីងទៅត្បូងខណះមកដល់ចំណុចកេីតហេតុស្រាប់តែបត់ឆ្វេងឆ្លងផ្លូវបំណងបត់ទៅក្រោយភ្លាមនោះស្រាប់តែមានម៉ូតូហុងដាឌ្រីមសង់ ពណ៌ខ្មៅ ពាក់ស្លាកលេខតាកែវ1P 9810 បេីកបរដោយបុរសម្នាក់និងមាននារីម្នាក់ទៀតរួមដំណេីរជាមួយធ្វេីដំណេីរមកពីក្រោយចាប់ហ្វ្រាំងមិនទាន់ក៏ជ្រុលបុកពីចំហៀងរថយន្តពេញទំហឹងបណ្តាលឱ្យអ្នកបេីកបរម៉ូតូរងរបួសធ្ងន់ចំណែកនារីដែលអង្គុយខាងក្រោយរងរបួសស្រាល ចំណែកម៉ូតូជាប់ជាមួយរថយន្តរងការខូចខាតយ៉ាងដំណំ។
ក្រោយកេីតហេតុជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗ ចំណែករថយន្តនិងម៉ូតូត្រូវបានសមត្ថកិច្ចមូលដ្ឋានចុះធ្វេីការវាស់វែងយកទៅរក្សាទុករងចាំដោះស្រាយតាមច្បាប់៕ ដោយ សុខាសែនជ័យ
