សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ត្រូវបានកម្លាំងសមត្ថកិច្ចចុះធ្វេីការឃាត់ខ្លួនភ្លាមៗកាលពីវេលាម៉ោង៣រសៀល ថ្ងៃទី២៥ ខែឧសភា ឆ្នាំ២០២០ ស្ថិតនៅក្នុងភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ និងចាប់យកសារធាតុញៀនបានមួយចំនួន។
ជនសង្ស័យខាងលើមានឈ្មោះ មូល ឯម អាយុ៤១ឆ្នាំ ស្នាក់នៅទីតាំងកើតហេតុ។
តាមប្រភពពីសមត្ថកិច្ចបានឱ្យដឹងថានៅមុនពេលចុះបង្ក្រាបដោយមានការរាយការណ៍ពីប្រជាពលរដ្ឋល្អថានៅទីតាំងខាងលើមានការជួញដូរដោយខុសច្បាប់នូវសារធាតុញៀនទើបកម្លាំងនគរបាលប៉ុស្តិ៍ចោមចៅទី១សហការគ្នាចុះបង្ក្រាបភ្លាហើយឃាត់បានជនសង្ស័យម្នាក់និងម្សៅក្រាមសថ្លាចំនួន១៥កញ្ចប់និងឧបករណ៍ប្រើប្រាស់មួយចំនួនទៀត។
ក្រោយពីការឃាត់ខ្លួនបានហើយជនសង្ស័យត្រូវបាននគរបាលកសាងសំណុំរឿងបញ្ជូនបន្តតាមនីតិវិធី៕ដោយ៖សុខា សែនជ័យ
