សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ មានករណីគ្រោះថ្នាក់ចរាចរណ៍មួយបង្កដោយរថយន្តដឹកជ្រូកបើកបុករះរថយន្តដឹកកម្មករដែលកំពុងឈប់ភ្លើងស្តុប «បាគូ» សង្កាត់ដង្កោ ខណ្ឌដង្កោ បណ្តាលឱ្យកម្មករចំនួន១០នាក់រងរបួសធ្ងន់និងស្រាល នៅព្រឹកថ្ងៃទី២៧ ខែឧសភា ឆ្នាំ២០២០នេះ ។ ក្រោយកើតហេតុ អ្នកបើកបររថយន្តបង្កបានរត់គេចខ្លួនបាត់ ។
នាយផ្នែកចរាចរណ៍ខណ្ឌដង្កោ លោក ម៉ាង សំរិទ្ធ ថ្លែងប្រាប់ថា ករណីនេះ បណ្តាលឱ្យកម្មករចំនួន១០នាក់រងរបួសធ្ងន់និងស្រាល ហើយជនបង្កបានរត់គេចខ្លួនបាត់ស្រមោល។ បច្ចុប្បន្ន នគរបាលកំពុងចាត់ការតាមនីតិវិធីលើករណីនេះ ៕ដោយ៖ចេស្ដា
