សារព័ត៌មាន នគរវត្ត តែងតែនាំមុខគេជានិច្ច
រាជធានីភ្នំពេញ៖ ដោយអនុវត្តតាមបទបញ្ជាជាប្រចាំរបស់លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ និងការដឹកនាំបញ្ជាផ្ទាល់របស់លោកវរសេនីយ៍ទោ ម៉េង វិមានតារា អធិការនគរបាលខណ្ឌមានជ័យ នៅថ្ងៃសៅរ៍ ទី៣០ ខែឧសភា ឆ្នាំ ២០២០ វេលាម៉ោង១:៣០នាទី រំលងអធ្រាត្រកម្លាំងនគរបាលប៉ុស្តិ៍ចាក់អង្រែលើ បានចុះល្បាតក្នុងមូលដ្ឋានដល់ចំណុចផ្លូវលំ ក្រុម១០ ភូមិព្រែកតាគង់៣ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ បានប្រទះឃើញនិងឃាត់ខ្លួនជនសង្ស័យចំនួន១នាក់ឈ្មោះ ផែង សុខខី ភេទស្រី អាយុ ២៤ឆ្នាំ ជនជាតិខ្មែរ មុខរបរ អ្នកបោសសម្អាតផ្ទះ ស្នាក់នៅផ្ទះគ្មានលេខ ផ្លូវលំ ភូមិព្រែកតាគង់៣ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។ វត្ថុតាងដកហូតបានមានម្សៅក្រាមសថ្លាចំនួន៣ថង់ធំ។
បច្ចុប្បន្នជនសង្ស័យឈ្មោះ ផែង សុខខី ត្រូវបានឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់ការបន្តតាមនីតិវិធីច្បាប់ ៕ស សម
