សារព័ត៌មាន នគរវត្ត តែងតែនាំមុខគេជានិច្ច
ខេត្តតាកែវ៖ ក្មេងប្រុសចំនួន២នាក់ បានលង់ទឹកស្លាប់ ក្នុងត្រពាំង១កន្លែង ខណៈពួកគេទៅលេងទឹកនៅទីនោះ។ ហេតុការណ៍ដ៏គួរឲ្យសង្វេកនេះ បានកើតឡើងនៅក្នុងភូមិ អូតាសេក ឃុំ អង្គកែវ ស្រុកទ្រាំង ខេត្តតាកែវ នៅវេលាម៉ោង៤និង៣០នាទីល្ងាច ថ្ងៃទី៣ ខែមិថុនា ឆ្នាំ២០២០ នេះ ។
តាមរបាយការណ៍នគរបាលបានឲ្យដឹងថា ក្មេងប្រុសទាំង២នាក់មានឈ្មោះ ១_ឈ្មោះ សាយ នុ មានអាយុ៥ឆ្នាំ ឪពុកឈ្មោះ ឡាយ ដេត ម្ដាយឈ្មោះ កង ច្រាន់់ ២_ឈ្មោះ ដន មាន អាយុ៤ឆ្នាំ ឪពុកឈ្មោះ ចាន់ ឌេត ម្តាយឈ្មោះ ឃន ចន្ទ្រា រស់នៅ ក្នុងភូមិឃុំកើតហេតុខាងលើ។ កុមារ រងគ្រោះបាននាំគ្នាចុះលែងទឹកត្រពាំង បណ្តាលឲ្យលង់ទឹកស្លាប់ទាំង២នាក់។
បច្ចុប្បន្នក្មេងរងគ្រោះទាំង២នាក់ ត្រូវបានក្រុមគ្រួសារ យកទៅធ្វើបុណ្យតាមប្រពៃណីហើយ ៕សហការី
