មន្ត្រីមន្ទីរបរិស្ថានខេត្តប៉ៃលិន ដកហូតកាំភ្លេីងកែច្នៃបានច្រេីនដេីម

ខេត្តប៉ៃលិន ៖​ នៅថ្ងៃទី១៤ ខែមិថុនា ឆ្នាំ២០២០ កម្លាំងមន្រ្តីឧទ្យានុរក្សក្រុមទី២ បានសហការជាមួយអង្គការMJP ចុះល្បាតនៅចំណុចភ្នំខៀវ ដកហូតបានកាំភ្លើងCKCកាត់ស្វាយកាត់កាណុង ១ដើម កាំភ្លើងស្នប់ ១ដើម និងកាំភ្លើងកែច្នៃឆ្នុកដូង ២ដើម មករក្សាទុក ខណៈដែលមន្រ្តីឧទ្យានុរក្សក្រុមទី១ ប្រចាំស្នាក់ការភ្នំដំបង ចុះល្បាតនៅចំណុចគគីប្រហោង ជួបរោងតង់កៅស៊ូ ១កន្លែង ដោយពេលនោះ ក្រុមការងារ បានរុះរើដុតបំផ្លាញចោលរោងនេះនៅហ្នឹងកន្លែង។

ដោយឡែក មន្ត្រីឧទ្យានុរក្សខេត្តប៉ៃលិន និងខេត្តបាត់ដំបង បានសហការចុះអប់រំផ្សព្វផ្សាយស្តីពីអត្ថប្រយោជន៍នៃព្រៃឈើ និងផលប៉ះពាល់នៃការបាត់បង់ព្រៃឈើ ព្រមទាំងច្បាប់ស្ដីពីតំបន់ការពារធម្មជាតិ ដល់ប្រជាពលរដ្ឋមូលដ្ឋាន នៅក្នុងភូមិកន្ទួត ឃុំសំឡូត ស្រុកសំឡូត ខេត្តបាត់ដំបង ផងដែរ៕សហការី