សារព័ត៌មាន នគរវត្ត តែងតែនាំមុខគេជានិច្ច
អង់គ្លេស៖ លោក Mikel Arteta គ្រូបង្វឹកក្រុមកាំភ្លើងធំ Arsenal បាននិយាយថាគាត់ស្រលាញ់ និងចង់រក្សាខ្សែការពារ David Luiz នៅក្នុងក្លឹបបន្តទៀត។ នេះបើយោងតាមការផ្សាយរបស់ Livescore កាលពីម្សិលមិញ។
David Luiz អាយុ៣៣ឆ្នាំ នឹងផុតកុងត្រានៅចុងបញ្ចប់នៃរដូវកាលនេះហើយត្រូវបានសារព័ត៌មានជាច្រើនចុះផ្សាយពីអនាគតរបស់គាត់នៅរដូវកាលក្រោយ។ ហេតុនេះហើយទើបគ្រូបង្វឹកក្រុមកាំភ្លើងធំចង់ឲ្យកីឡាកររូបនេះបន្តនៅអង់គ្លេសទៀត។
កីឡាករសញ្ជាតិប្រេស៊ីលរូបនេះទើបតែមកដល់ទឹកដី Arsenal កាលពីឆ្នាំមុន និងបង្ហាញខ្លួនបាន៣២លើកនៅរដូវកាលនេះ ពេលក្រុមរបស់គាត់ប៉ះក្រុម Manchester City កាលពីយប់មិញ។
លោក Arteta ចាប់អារម្មណ៍កីឡាករអតីតក្លឹបតោខៀវ David Luizដោយនិយាយថា “គាត់សំខាន់សម្រាប់ក្រុមរបស់ខ្ញុំ។
ខ្ញុំពិតជារីករាយណាស់ជាមួយ David Luiz ដោយចង់រក្សាគាត់នៅទីនេះជាមួយពួកយើង។ គាត់គឺជាគំរូដ៏សំខាន់តាំងពីខ្ញុំបានចូលរួម ។ ខ្ញុំចូលចិត្តអ្វីដែលគាត់ផលិតនៅលើទីលានខ្ញុំចូលចិត្តឥទ្ធិពលរបស់គាត់ជុំវិញកីឡាករនិងក្លឹប”។
មុនពេលប៉ះជាមួយ Man City ក្រុម Arsenal ឈរនៅលេខ៩ក្នុងតារាង Premier League ចាញ់ក្រុមលេខ៤ Chelsea ចំនួន៨ពិន្ទុ ៕ដោយ៖ភារ
