សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖រថយន្តមួយគ្រឿងបើកលឿនជ្រុលទៅបុករបងផ្ទះប្រជាពលរដ្ឋបណ្តាលឲ្យដាច់កាឡេកង់ទៅមុខលែងរួច។
ហេតុការណ៍នេះកើតឡើងនៅម៉ោង ២ និង៣០នាទីទៀបភ្លឺ ឈានចូលថ្ងៃទី១៥ ខែកក្កដា ឆ្នាំ២០២០ នៅតាមបណ្តោយផ្លូវបេតុង ក្នុងសង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ។
ប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្តតូយ៉ូតាធុនត្រាពណ៌ខ្មៅពាក់ស្លាកលេខ ភ្នំពេញ 2M-4571 ធ្វើដំណើរតាមបណ្តោយផ្លូវបេតុងក្នុងទិសដៅពីកើតមកលិច ខណៈមកដល់ចំណុចកើតហេតុបានជ្រុលចង្កូតទៅបុករបងផ្ទះប្រជាពលរដ្ឋបណ្តាលឲ្យរថយន្តដាច់កាឡេកង់ទៅមុខលែងរួច។
បន្ទាប់ពីកើតហេតុសមត្ថកិច្ចបានមកដល់បានឲ្យភាគីទាំងពីរសម្របសម្រួលគ្នាដោយម្ចាស់រថយន្តចេញថ្លៃចំណាយក្នុងការជួសជុលដើម្បីបញ្ចប់រឿង ហើយសមត្ថកិច្ចប្រគល់រថយន្តឲ្យទៅម្ចាស់ស្ទូចយកទៅជួសជុលដោយខ្លួនឯង៕ ជ្រោយពេជ្រ
