សារព័ត៌មាន នគរវត្ត តែងតែនាំមុខគេជានិច្ច
អន្តរជាតិ៖ ក្រុមសន្តិសុខអាមេរិកបានបំផ្លាញទ្វារស្ថានកុងស៊ុលចិននៅទីក្រុងHouston ក្រោយពេលច្បាប់បិទស្ថានកុងស៊ុលចូលជាធរមាននៅវេលាម៉ោង៤រសៀលថ្ងៃទី២៤ ខែកក្កដា (ម៉ោងនៅអាមេរិក)។
ក្រុមអ្នកសារព័ត៌មានបានសួរក្រុមសន្តិសុខពីសកម្មភាពបំផ្លាញទ្វារស្ថានកុងស៊ុលរបស់ចិនដែលមានមនុស្សជាច្រើនចូលទៅខាងក្នុង ហើយមានសន្តិសុខពីរនាក់ស្លៀកពាក់ឯកសណ្ឋានឈរយាមនៅទ្វារចូល។ សន្តិសុខយាមទ្វារ មិនបានឆ្លើយសំណួរពាក់ព័ន្ធនឹងការចូលទៅកាន់ទីតាំងរបស់ចិននោះឡើយ។
មកទល់ពេលនេះស្ថានទូតចិនប្រចំានៅទីក្រុងHouston និងក្រសួងការបរទេសចិនមិនទាន់មានប្រតិកម្មអ្វីនោះឡើយ ពាក់ព័ន្ធនឹងសកម្មភាពខាងលើ។ ស្ថានកុងស៊ុលរបស់ចិននៅទីក្រុងHoustonដែលបានដំណើរការអស់រយៈពេល៤០ឆ្នាំ កន្លងមកត្រូវបានបញ្ចប់នៅវេលាម៉ោង៤រសៀលថ្ងៃទី២៤ខែកក្កដា ឆ្នាំ២០២០។
សកម្មភាពខាងលើរបស់អាមេរិក និងធ្វើឲ្យទំនាក់ទំនងការទូតរវាងប្រទេសមហាអំណាចសេដ្ឋកិច្ចទាំងពីរធ្លាក់ក្នុងដំណាក់កាលអាក្រក់បំផុត ហើយចិនក៏នឹងតបតអាមេរិកវិញដោយបិទស្ថានកុងស៊ុលអាមេរិក នៅក្នុងប្រទេសចិនផងដែរ៕ ធី រីណា
