សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖អតីតបេក្ខជនកម្មវិធី The Voice Cambodia រដូវកាលទី២លោក អ៊ុង សុវណ្ណរិទ្ធិ បានបញ្ចេញស្នាដៃបទចម្រៀង Original Songរបស់ខ្លួនហើយបន្ទាប់ពីសម្រិតសម្រាំងអស់ច្រើនខែ។ ក្រៅពីនេះលោកក៏ទើបនឹងទទួលតំណែងជាពិធីករក្នុងកម្មវិធីពិសេសមួយរបស់ Jack Khun Media ។
តារាចម្រៀង អ៊ុង សុវណ្ណរិទ្ធិ ចាប់ផ្តើមទទួលបានការគាំទ្រច្រើនក្រោយពីលោកបានបញ្ចេញស្នាដៃបទចម្រៀងថ្មីជាមួយនឹងសមត្ថភាពច្រៀង និងវោហាសាស័ព្ទលេងសើចគួរឲ្យចូលចិត្ត។
ថ្មីៗនេះលោកទើបនឹងបញ្ចេញស្នាដៃបទចម្រៀងថ្មីមួយចំនួននៅផលិតកម្មខាងលើ។ តារារូបនេះបញ្ជាក់ថា លោកសប្បាយចិត្តដែលស្នាដៃថ្មីត្រូវបានបញ្ចេញ ដើម្បីបំពេញចិត្តអ្នកគាំទ្រលោក។ លោកកាន់តែរំភើបក្រោយពីទទួលបានឱកាសការងារជាពិធីករប្រចាំកម្មវិធី”សំនៀងសាយ័ន្ត” ដែលមានការផ្សាយផ្ទាល់តាមរយៈគេហទំព័រហ្វេសប៊ុកផ្លូវការរបស់ផលិតកម្មផងដែរ។ លោកថានេះជាស្នាដៃ និងសមិទ្ធផលដែលលោកសម្រេចបានក្រោយពីខិតខំប្រឹងប្រែងអស់ជាច្រើនឆ្នាំលើវិថីសិល្បៈ។ ទោះជាយ៉ាងណាលោកនៅតែបន្តខិតខំស្វែងរកអ្វីដែលថ្មីបន្តទៀតដើម្បីពង្រឹងការងារសិល្បៈឲ្យកាន់តែល្អប្រើសើរ៕ ដោយ ៖វឌ្ឍនា
