សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សិក្ខាកាមយោធាដែលកំពុងសិក្សានៅវិទ្យាស្ថានបញ្ជាការជាន់ខ្ពស់ទ័ពអាកាសឆត្រយោង ទីក្រុងរ៉ាហ្សាន់ សហព័ន្ធរុស្ស៊ី បានធ្វើដំណើរទៅកាន់ទីក្រុងព្ស្គូហ្វ (псков) ដែលជាទីលានហ្វឹកហាត់ និងធ្វើការប្រកួតកីឡាអន្តរជាតិ (International Army’s Games 2020) ដែលនឹងប្រព្រឹត្តទៅនៅថ្ងៃទី២៣ ខែសីហា ឆ្នាំ២០២០ ខាងមុខនេះ។
បើយោងតាមសមាគមនិស្សិតខ្មែរនៅរុស្សីុបានបញ្ជាក់ឱ្យដឹងថា បញ្ជីរាយនាមសិក្ខាកាមចូលរួមប្រកួតកីឡាអន្តរជាតិ ឆ្នាំ២០២០ វិទ្យាស្ថានបញ្ជាការជាន់ខ្ពស់កងទ័ពឆត្រយោងទីក្រុងរ៉ាហ្សាន់មាន៖
១- នាយចំណង់ ថ្លៃ សំរិទ្ធ (ប្រធានក្រុម)
២- នាយចំណង់ ច័ន្ទ សុវណ្ណតារា
៣- នាយចំណង់ ខឹម សុខខុម
៤- នាយចំណង់ មាស ឡាអុល
៥- នាយចំណង់ អា វិចិត្ត
៦- នាយចំណង់ រុំ សារ៉ាត
៧-នាយចំណង់ រឿន សុថុន
ក្នុងនោះកងទ័ពអាកាសកម្ពុជាចូលរួមប្រកួតលេី៤វិញ្ញាសា៖
វិញ្ញាសារទី១៖លោតឆត្រកម្ពស់៦០០
ម៉ែត្រ + លីឆត្ររត់១គ.ម + រត់១០គ.ម(រត់កុម្មង់ដូលេីខ្លួនមានសម្ភារចាប់ពី៨គីឡូក្រាមឡេីង)។
វិញ្ញាសារទី២៖រត់១០គ.ម+រត់៥០០ម បីដង បាញ់បីកាយវិការ (ដេក អង្គុយ ឈរ) ក្នុងមួយកាយវិការបាញ់៥គ្រាប់។
វិញ្ញាសារទី៣៖រត់រកចំណុចទីតាំងលេីផែនទី (រយ:ពេលបីម៉ោង) ។
វិញ្ញាសារទី៤៖ រត់៤គ.ម+រត់កាត់ឧបសគ្គ+រត់បន្ត៥០០ម បាញ់មួយកាយវិការដេក (ចំនួន៥គ្រាប់)។
សូមបញ្ជាក់ថា ពិធីបេីកវគ្គប្រកួតកីឡាអន្តរជាតិនៅថ្ងៃទី ២៣ ខែសីហា ឆ្នាំ២០២០។ ចាប់ផ្តេីមប្រកួតនៅថ្ងៃទី២៤ ខែសីហា ឆ្នាំ២០២០។ នេះបើតាមការលើកឡើងពីសមាគមនិស្សិតខ្មែរនៅរុស្សុី។សមាគមនិស្សិតខ្មែរប្រចាំសហព័ន្ធរុស្ស៊ី សូមជូនពរដល់បងប្អូនសិក្ខាកាមយោធាកម្ពុជាទាំង៧រូបដែលចូលរួមក្នុងការប្រកួតកីឡាអន្តរជាតិ (International Army’s Games 2020) សូមឲ្យទទួលបានជ័យជម្នះដ៏ត្រចះត្រចង់ជូនជាតិមាតុភូមិកម្ពុជាយើង។ ដោយក្តីស្រឡាញ់ពីសហគមនិស្សិតខ្មែរប្រចាំសហព័ន្ធរុស្សុី ៕ដោយ៖ សិលា
