សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នារីម្នាក់បេីករថយន្តហាយឡេនឌ័រនិងមាននារីម្នាក់ទៀតរួមដំណេីរជាមួយខណៈកំពុងបើកសុខៗក៏ជាន់ហ្វ្រ័ងបន្ថយល្បឿនស្រាប់តែមានរថយន្តហ៊ីយ៉ាន់ដាយដឹកទំនិញមកពីក្រោយជ្រុលមកបុកពេញទំហឹងបណ្តាលឲ្យរងការខូចខាតយ៉ាងដំណំ។
ហេតុការណ៍នេះបានកេីតឡេីងកាលពីវេលាម៉ោង១១យប់ថ្ងៃទី១៣ ខែសីហា ឆ្នាំ២០២០ នៅចំណុចជិតមន្ទីរពេទ្យឯករាជ្យ១ តាមបណ្តោយផ្លូវចោមចៅ ភូមិត្រពាំងថ្លឹង១ សង្កាត់ចោមចៅទី១ ខណ្ឌពោធិ៍សែនជ័យ។
តាមសាក្សីនៅកន្លែងកេីតហេតុបានឲ្យដឹងថា មុនពេលកេីតហេតុគេបានឃេីញនារីម្នាក់បេីករថយន្តម៉ាកហាយឡេនឌ័រ ពណ៌ទឹកប្រាក់ ពាក់ស្លាកលេខភ្នំពេញ2AZ- 9747 រួមដំណេីរជាមួយនារីម្នាក់ទៀតតាមបណ្តោយផ្លូវចោមចៅ ក្នុងទិសដៅពីកេីតទៅលិច ខណៈមកដល់ចំណុចកេីតហេតុក៏ជាន់ហ្វ្រ័ងបន្ថយល្បឿនភ្លាមនោះស្រាប់តែមានរថយន្តហ៊ីយ៉ាន់ដាយដឹកទំនិញ ពណ៌ស ពាក់ស្លាកលេខព្រះសីហនុ3A-5547 ធ្វេីដំណេីរមកពីក្រោយជាន់ហ្វ្រ័ងមិនទាន់កីជ្រុលបុកពីក្រោយពេញទំហឹងបណ្តាលឲ្យរងការខូចខាតយ៉ាងដំណំតែមិនមានមនុស្សរងរបួសនោះទេ។
ក្រោយកេីតហេតុដោយសារការសម្របសម្រួលគ្នាមិនត្រូវទេីបសម្ថកិច្ចធ្វេីការវាស់វែងយកទៅរក្សាទុករង់ចាំដោះស្រាយតាមច្បាប៕ ដោយ៖ សុខាសែនជ័យ
