សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ឧត្តមសេនីយ៍ឯក យឹម លាង អគ្គស្នងការរងនគរបាលជាតិ ចុះបេសកកម្មស្រាវជ្រាវ ទប់ស្កាត់ បង្ក្រាបបទល្មើសសេដ្ឋកិច្ច និងបទល្មើសធនធានធម្មជាតិ ក្នុងភូមិសាស្ដ្ររាជធានីភ្នំពេញ ខេត្តកណ្ដាល តាកែវ ព្រៃវែង ស្វាយរៀង ត្បូងឃ្មុំ បន្ទាយមានជ័យ បាត់ដំបង និងខេត្ដប៉ៃលិន។ នេះបើយោងតាម នាយឧត្តមសេនីយ៍សន្ដិបណ្ឌិត នេត សាវឿន អគ្គស្នងការនគរបាលជាតិ បានចាត់ឱ្យកាន់តួនាទី ភារកិច្ចនេះ។
សូមបញ្ជាក់ថា ៖ ក្នុងលិខិត នាយឧត្តមសេនីយ៍ នេត សាវឿន ក៏បានចាត់ឲ្យនាយនគរបាល ៤រូបទៀតផងដែរ ដើម្បីអមដំណើរ លោកឧត្តមសេនីយ៍ឯក យឹម លាង ក្នុងនោះរួមមាន៖
ទី១-ឧត្តមសេនីយ៍ឯក ចាន់ វ៉ាន់ធឿន ប្រធាននាយកដ្ឋានប្រឆាំងបទល្មើសសេដ្ឋកិច្ច ជាអនុប្រធាន។
ទី២-ឧត្តមសេនីយ៍ ង៉េង ជួ ប្រធាននាយកដ្ឋាននគរបាលព្រហ្មទណ្ឌ ជាសមាជិក។
ទី៣-ឧត្តមសេនីយ៍ទោ អ៊ឹង ដារ៉េត ប្រធានអង្គភាពអន្ដរាគមន៍ ជាសមាជិក។
ទី៤-ឧត្តមសេនីយ៍ត្រី ហឿន វីណា អនុប្រធាននាយកដ្ឋានប្រឆាំងបទល្មើសសេដ្ឋកិច្ច ជាសមាជិក។
នេះតាមយោងលិខិតចាត់បញ្ជូន របស់អគ្គស្នងការដ្ឋាននគរបាលជាតិ លេខ ០១០ ល.ប.ក ចុះថ្ងៃទី១១ ខែសីហា ឆ្នាំ២០២០ របស់ នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ៕
ដោយ៖សិលា
