សារព័ត៌មាន នគរវត្ត តែងតែនាំមុខគេជានិច្ច
អន្តរជាតិ៖ បើតាមសេចក្តីប្រកាសពីក្រុមហ៊ុនថាមពលសិង្ហបុរី SP Group បានបញ្ជាក់ថា ពន្ធលើអគ្គិសនីសម្រាប់ប្រជាជនសិង្ហបុរី ក្នុងមួយគ្រួសារនឹងត្រូវដំឡើង ៩.៣ភាគរយ លើសពីត្រីមាសមុនៗ ដោយគិតចាប់ខែតុលា ដល់ខែធ្នូ ឆ្នាំ២០២០នេះ។ នេះបើតាមការចុះផ្សាយដោយសារព័ត៌មាន CNA នៅរសៀលថ្ងៃពុធ ទី៣០ ខែកញ្ញា ឆ្នាំ២០២០។
នៅក្នុងសេចក្ដីប្រកាសព័ត៌មានរបស់ក្រុមហ៊ុនថាមពលសិង្ហបុរី SP Group បានគូសបញ្ជាក់ថា ដោយមិនរាប់បញ្ចូលពន្ធលើសេវា និងទំនិញ(GST) ពន្ធលើអគ្គិសនីនឹងត្រូវដំឡើងពី ១៩.៦សេន ដល់ ២១.៤៣សេនក្នុងមួយគីឡូវ៉ាត់ម៉ោង ឬស្មើនឹងការកើនឡើងបន្ថែម ១.៨៣សេនសម្រាប់ត្រីមាសចុងក្រោយនៃឆ្នាំ២០២០។
សូមបញ្ជាក់ថា បើរាប់បញ្ចូលទាំងពន្ធ GST ទៀតនោះ អត្រាពន្ធអគ្គិសនីក្នុងត្រីមាសទី ៤ នៃឆ្នាំ២០២០គឺ ២២.៩៣សេនក្នុងមួយគីឡូវ៉ាត់ម៉ោង(kWh) ដែលមានន័យថា វិក្ក័យបត្រប្រើប្រាស់អគ្គិសនីជាមធ្យមប្រចាំខែ សម្រាប់គ្រួសារនៅក្នុងផ្ទះដែលមានបួនបន្ទប់ នឹងត្រូវដំឡើង៧.០១ដុល្លារសិង្ហបុរី ឬស្មើនឹង ៥.១២ដុល្លារអាមេរិក ដោយមិនរាប់បញ្ចូលពន្ធ GST៕ដោយ៖ស តារា
