សារព័ត៌មាន នគរវត្ត តែងតែនាំមុខគេជានិច្ច
ខេត្តត្បូងឃ្មុំ ៖ កម្លាំងនគរបាលផ្នែកប្រឆាំងគ្រឿងញៀន សហការជាមួយកម្លាំងប៉ុស្តិ៍នគរបាលរដ្ឋបាលកោងកាង និងកម្លាំងប៉ុស្តិ៍នគរបាលរដ្ឋបាលវាលម្លូរ នៃអធិការដ្ឋាននគរបាលស្រុកពញាក្រែក បាមចុះបង្ក្រាបជាក់ស្តែងករណីរក្សាទុក និងជួញដូរដោយខុសច្បាប់នូវសារធាតុញៀន នៅចំណុចភូមិស្រឡៅច្រឹង ឃុំវាលម្លូរ ស្រុកពញាក្រែក ខេត្តត្បូងឃ្មុំ ។
ការបង្ក្រាបធ្វេីឡេីងនៅវេលាម៉ោង១៥និង១០នាទី ថ្ងៃទី៣ ខែវិច្ឆិកា ឆ្នាំ២០២០ ដោយឃាត់ខ្លួនជនសង្ស័យបាន២នាក់ដកហូតម្សៅក្រាមពណ៌សសង្ស័យថាជាថ្នាំញៀនបានចំនួន៣៧កញ្ចប់ ។
ជនសង្ស័យ២នាក់ដែលត្រូវកម្លាំងសមត្ថកិច្ចឃាត់ខ្លួនក្នុងខណៈពេលចុះល្បាតចល័តនៅក្នុងភូមិសាស្រ្តរបស់ខ្លួននោះមាន ១.ឈ្មោះ គុយ ប៉េងហ៊ាង ភេទប្រុស អាយុ៣២ឆ្នាំ ជនជាតិខ្មែរ រស់នៅភូមិមេ.ស ឃុំវាលម្លូរ ស្រុកពញាក្រែក ខេត្តត្បូងឃ្មុំ និង២-ឈ្មោះ ថន ស៊ីណា ភេទប្រុស អាយុ៣២ឆ្នាំ រស់នៅភូមិត្របែក ឃុំទឹកជ្រៅ ស្រុកពញាក្រែក ខេត្តត្បូងឃ្មុំ ដកហូតបានម្សៅក្រាមពណ៌ស សង្ស័យថាជាថ្នាំញៀនចំនួន៣៧កញ្ចប់ ។
បច្ចុប្បន្នជនសង្ស័យ និងវត្ថុតាងត្រូវបានបញ្ជូនមកអធិការដ្ឋាននគរបាលស្រុកពញាក្រែក ដើម្បីសាកសួរនិងកសាងសំណុំរឿងចាត់ការតាមនីតិវិធី ៕ ដោយ ៖ វណ្ណៈ
