Mike Tyson បង្ហើបថា៖ ចង់ប្រកួតជាមួយនឹងអ្នកប្រដាល់មិនដែលចាញ់ Floyd Mayweather តាំងតែពីគេមិនទាន់ចូលនិវត្តន៍មកម្ល៉េះ

អន្តរជាតិ៖ នាពេលថ្មីៗនេះ លោកMike Tyson អ្នកប្រដាល់ជើងចាស់ បានសារភាពថាខ្លួនប្រាថ្នា ចង់ប្រកួតជាមួយនឹងអ្នកប្រដាល់មិនដែលចាញ់Floyd Mayweather ។

ជារឿយៗ កីឡាករMike និង Mayweather ត្រូវធ្លាប់បានប្រកួតនៅក្នុងសង្វៀនប្រដាល់តែមួយ ហើយអ្នកទាំងពីរ ត្រូវបានគេចាត់ទុកថាអ្នកប្រដាល់ល្អបំផុតដែលមិនធ្លាប់មាន នៅក្នុងវិស័យកីឡាប្រដាល់សកលនេះ ។អ្នកប្រដាល់វ័យ៥៤ឆ្នាំរូបនេះ បានបន្តទៀតថា វាជារឿងមួយដែលគួរឱ្យសោកស្ដាយណាស់ ដែល Mayweather មិនដែលប្រកួតប្រភេទទម្ងន់ធ្ងន់បើស្ថិតនៅក្នុងប្រភេទទម្ងន់ដូចគ្នានោះ រូបគេនឹងមានឱកាសជួប Floyd Mayweather ។

លោក Mike Tyson នៅក្នុងបទសម្ភាសន៍ជាមួយលោក Steve Farhood នៅក្នុងកម្មវិធី ShoBox ត្រូវបានគេសួរថា តើអ្នកប្រដាល់រូបណាដែលរូបគេចង់ជួប? Tyson បានឆ្លើយតបភ្លាមៗថា រូបគេចង់វ៉ៃជាមួយFloyd Mayweather ។ Mike Tyson បានប្រាប់កាសែត Wall Street Journal ថា“ ជាការពិតណាស់ ពួកយើងមិនអាចប្រកួតគ្នាបានទេដោយសារតែទម្ងន់ខុសគ្នា ។

គួរបញ្ជាក់ថា កាលពីប៉ុន្មានឆ្នាំមុន Mike Tyson ក៏ធ្លាប់បោះពាក្យមួយឃ្លាទៅដល់ Floyd Mayweather ថារូបគេនឹងដាក់ Floyd ឱ្យដេកតែម្ដងប៉ុន្តែពេលនោះ Floyd Mayweather មិនមានប្រតិកម្ម ឬឆ្លើយតបនឹងMike Tyson វិញនោះទេ ៕ស តារា

Mike Tyson ខោខ្មៅ

Floyd Mayweather និង Mike Tyson

Floyd Mayweather ខោពណ៌ទឹកមាសលាយខ្មៅ   

Floyd Mayweather ខោខ្មៅ