លោកត្រាំទៅវាយកូនហ្គោលក្នុងថ្ងៃដំបូងដែលលោកចាកចេញពីសេតវិមាន

ចែករំលែក៖

កីឡាវាយកូនហ្គោលមិនត្រឹមតែជាចំណូលចិត្តរបស់លោកត្រាំនោះឡើយ តែវាគឺជាមធ្យោបាយដើម្បីលោកកាត់បន្ថយភាពតានតឹង ។
ក្នុងពេលដែលលោកបៃឌិនកំពុងតែស្ថិតនៅសេតវិមានដឹកនាំអាមេរិក លោកត្រាំ ត្រូវបានគេមើលឃើញ ទៅវាយកូនហ្គោលទាំងព្រឹក។ តាមសារព័ត៌មាន The Washington Examiner រថយន្តSUV របស់លោកត្រាំត្រូវបានគេមើលឃើញចតនៅទីតាំងវាយកូនហ្គោលក្នុងតំបន់រមណីយដ្ឋាន នៅ Florida នាវេលាម៉ោង១០និង២៦នាទី ថ្ងៃទី២១ខែមករា (ពេលវេលានៅអាមេរិក)។
ការវាយកូនហ្គោលមិនត្រឹមតែជា កីឡាដែលអតីតប្រធានាធិបតីចូលចិត្តនោះឡើយ តែនោះគឺជាមធ្យោបាយដែលលោកត្រាំ កាត់បន្ថយភាពតានតឹងរាល់ពេលបរាជ័យក្នុងកិច្ចការអ្វីមួយ។ ក្នុងថ្ងៃដែលលោកត្រាំ ទទួលព័ត៌មានថាចាញ់ឆ្នោត លោកក៏បានទៅវាយកូនហ្គោលផងដែរ។
ទីលានវាយកូនហ្គោល Palm Beach ជាទីតាំងដែលលោកត្រាំ ចូលទៅលេងច្រើនជាងគេ ប៉ុន្តែ ស្រុក Palm Beach កំពុងតែជំរុញលុបកុងត្រាសហការជាមួយ ក្លិបវាយកូនហ្គោលអន្តរជាតិរបស់លោកត្រាំ ។ អភិបាលក្រុងញូវយ៉ក លោកBill de Blasio ក៏បានប្រកាសពីគម្រោងកាត់ផ្កាច់រាល់ការរកស៊ីជាមួយគ្រួសារលោកត្រាំ ។
ជាមួយគ្នានេះដែរ ធនាគារនៅរដ្ឋFlorida បានប្រកាសបិទគណនីធនាគាររបស់លោកត្រាំ ។ ធនាគារ Banks United នៅថ្ងៃទី២១ខែមករា បានប្រកាសបិទគណនីរបស់លោកត្រាំ។ នៅក្នុងធនាគារBanks United លោកត្រាំមានគណនីពីរ ដោយមួយមានទឹកប្រាក់ ៥,១លានដុល្លារ និងមួយទៀតមាន ២៥លានដុល្លារ។
កាលពីសប្តាហ៍កន្លងមក ធនាគារProfessional Bank នៅ Florida បានប្រកាសកាត់ផ្តាច់ទំនាក់ទំនងរកស៊ីជាមួយលោកត្រាំ ដោយមិនមានការទូទាត់តាមធនាគារនោះឡើយ រាល់ការរកស៊ីរបស់ក្រុមហ៊ុនលោកត្រាំ៕ ដោយ៖ធី រីណា