សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ បុរសជាជាង ផ្សារដែកម្នាក់ ត្រូវបានអ្នកភូមិនិងប្រជាពលរដ្ឋធ្វើដំណើរប្រទះឃើញ ចងកសម្លាប់ខ្លួន ក្រោមដើមធ្លក បង្កការភ្ញាក់ផ្អើលនិងរាយការណ៍មកសមត្ថកិច្ចមកពិនិត្យស្លាប់ភ្លាមៗសង្ស័យមាន វិបត្តិផ្លូវចិត្តជាមួយក្រុមគ្រួសារ។
ហេតុការណ៏នេះប្រទះឃើញកើតឡើងកាលពីវេលាម៉ោង៥និង២០ នាទីល្ងាចថ្ងៃទី៧ ខែមីនា ឆ្នាំ២០២១ស្ថិតនៅភូមិព្រៃទប់សង្កាត់ព្រៃអង្គុញ ក្រុងបាវិត ខេត្តស្វាយរៀង។
សមត្ថកិច្ចនគរបាលបានឲ្យដឹងថាបុរសខាងលើមានឈ្មោះ ពៅ បាន អាយុ២៤ឆ្នាំ ជនជាតិខ្មែរ មុខរបរជាងដែករស់នៅភូមិព្រៃទប់សង្កាត់ព្រៃអង្គុញ ក្រុងបាវិត ខេត្តស្វាយរៀង។
ប្រភពបន្តថា ប៉ុស្ដិ៍នគរបាលរដ្ឋបាលព្រៃអង្គុយបានទទួលព៌តមានថានៅចំណុចវាលស្រែខាងក្រោយផ្ទះមា្តយសាកសពឈ្មោះកែវ ង៉ែត អាយុ៥៧ឆ្នាំរស់នៅភូមិព្រៃទប់សង្កាត់ព្រៃអង្គុញ ក្រុងបាវិត ខេត្តស្វាយរៀងមានករណីធ្វេីអត្តឃាតចងកសម្លាប់ខ្លួនទើបសមត្ថកិច្ចជំនាញ និងគ្រូពេទ្យ ឈ្មោះតាល់ តាក់ ឋានៈគិណនុប្បដ្ឋានមន្ទីរពេទ្យបង្អែកជីភូបានចុះទៅដល់កន្លែងកើតហេតុតែខណៈពេលនោះបងប្អូនក្រុមគ្រួសារមានការសង្ស័យថាក្រែងនៅរស់បាននាំគ្នាស្រាយខ្សែទំលាក់រួចបានដឹកទៅមន្ទីរពេទ្យ បង្អែកជីភូ។
ក្រោយមកគ្រូពេទ្យបានបញ្ជាក់ថា សពបុរសខាងលើបានស្លាប់ហើយ ទើបដឹកសាកសពមកផ្ទះមកវិញ ខណៈសមត្ថកិច្ចជំនាញ និងលោកគ្រូពេទ្យបានធ្វេីការពិនិត្យលើដងខ្លួនសាកសព សន្និដ្ឋានថាបុរសនេះបានយកខ្សែក្របីមកចង.កខាងលើដេីមធ្លកប្រាកដមែនដោយពុំមានស្នាកស្នាមអ្វីសំគាល់ជារឿងឃាតកម្មនោះទេខណៈក្រុមគ្រួសារអះអាងថាមុនកើតហេតុគឺបានផឹកស្រាស្រវឹងហើយណាមួយមានវិបតិ្តក្នុងគ្រួសារបន្តិចបន្តួចស្រាប់តែគិតខ្លីបែបនេះតែម្ដង។
សពត្រូវបានសមត្ថកិច្ចធ្វើកំណត់ហេតុនិងប្រគល់ទៅក្រុមគ្រូសារធ្វើបុណ្យតាមប្រពៃណីទាំងក្ដុកក្ដួលបំផុត៕
ដោយ៖យឹម សុថាន
