សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ មានរថយន្តម៉ាក KIA ប្រភេទរថយន្តស្ទួចដឹកដែកមួយគ្រឿងបានបេីកចុះពីលេីស្ពានព្រះមុនីវង្សមកផ្លូវជាតិលេខ១យ៉ាងលឿនហេីយរេចង្កូតមកឆ្វេងដៃឡេីងសួនចែកទ្រូងផ្លូវនិងបុកផ្ទាំងប៉ាណូមួយដេីមបណ្ដាលឲ្យទ្រេត តែសំណាងល្អមិនធ្វេីឲ្យមនុស្សរងរបួស ។
ហេតុការណ៍គ្រោះថ្នាក់ចរាចរណ៍នេះបានកេីតឡេីងកាលពីវេលាម៉ោង៤រសៀល ថ្ងៃទី១១ ខែឧសភា ឆ្នាំ២០២១ ស្ថិតនៅចំណុចគល់ស្ពានព្រះមុនីវង្ស តាមបណ្ដោយផ្លូវជាតិលេខ១ ក្នុងសង្កាត់ច្បារអំពៅ១ ខណ្ឌច្បារអំពៅ រាជធានីភ្នំពេញ ។
តាមប្រភពព័ត៌មានពីកន្លែងកេីតហេតុបានឲ្យដឹងថា មុនកេីតហេតុគេឃេីញរថយន្តបង្កម៉ាក KIA ប្រភេទរថយន្តស្ទួចធុនធំ បិទតែម Camel Cement ពាក់ស្លាកលេខភ្នំពេញ 3D-7875 បេីកបរដោយបុរសម្នាក់ និងមានព្រូម្នាក់រួមដំណេីរជាមួយ បានបើកចុះពីលេីស្ពានព្រះមុនីវង្សក្នុងទិសដៅពីលិចទៅកេីតដោយល្បឿនលឿនល្មម ខណៈមកដល់ចំណុចកេីតហេតុស្រាប់តែរេចង្កូតមកឆ្វេងដៃឡេីងសួនពុះចែកទ្រូងផ្លូវនិងបុកស្លាកប៉ាណូបណ្ដាលឲ្យទ្រេតមួយដេីម ឯរថយន្តរងការខូចខាតតិចតួច សំណាងល្អមិនបង្កឲ្យអ្នកដំណេីរតាមដងផ្លូវរងរបួស។
ក្រោយកេីតហេតុ សមត្ថកិច្ចមូលដ្ឋានផ្នែកជំនាញចរាចរណ៍បានចុះមកដល់ហេីយពិនិត្យឃេីញថា ពុំមានប៉ះពាល់ដល់សម្បត្តិរដ្ឋ ទេីបភាគីរថយន្តបង្ក និងតំណាងក្រុមហ៊ុនប៉ាណូខាងលេីដោះស្រាយគ្នាបញ្ចប់រឿងនៅនឹងកន្លែងតែម្ដង ៕
ដោយ៖ ភារ៉ា ដង្កោ
