សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យចំនួន២នាក់ជិះម៉ូតូមួយគ្រឿងឌុបគ្នាមកធ្វេីសកម្មភាពឆក់ទូរស័ព្ទដៃពីស្ត្រីម្នាក់ខណៈដែលអង្គុយខាងក្រោយប្តីដែលបេីករ៉ឺម៉កដឹកបន្លែរកកន្លែងដាក់លក់តាមចិញ្ចេីមផ្លូវបានសម្រេចរួចគេចខ្លួនបាត់ដោយសុវត្តិភាព។
ហេតុការណ៍នេះបង្កការភ្ញាក់ផ្អេីលកាលពីវេលាម៉ោង១២និង១០នាទីរំលងអធ្រាត្រ ឈានចូលថ្ងៃទី១៤ ខែឧសភា ឆ្នាំ២០២១ នៅខាងត្បូងស្តុបណូគារ តាមបណ្តោយផ្លូវលេខ២៧១ ក្នុងសង្កាត់ទឹកល្អកទី៣ ខណ្ឌទួលគោក រាជធានីភ្នំពេញ។
តាមប្រភពព័ត៌មានពីជនរងគ្រោះសុំមិនបញ្ចេញឈ្មោះមានឲ្យដឹងថា មុនពេលកេីតហេតុរូបគាត់បានបេីកម៉ូតូសណ្តោងរ៉ឺម៉កដឹកបន្លែយកមកលក់នៅលេីចិញ្ចេីមផ្លូវម្តុំកន្លែងកេីតហេតុដោយប្រពន្ធអង្គុយខាងក្រោយចុចទូរស័ព្ទខណៈកំពុងជិះយឺតៗរកកន្លែងឈប់ភ្លាមនោះស្រាប់តែមានជនសង្ស័យ២នាក់ជិះម៉ូតូម៉ាកឃ្លីកមិនចាំស្លាកលេខធ្វេីដំណេីរមកខាងក្រោយក៏ធ្វេីសកម្មភាពឆក់ទូរស័ព្ទម៉ាកសាំសុងA20ពីដៃប្រពន្ធភ្លាមនោះរូបគាត់ស្ទុះទៅចាប់ជនសង្ស័យតែមិនជាប់ក៏ដួលរងរបួសថ្លោះដៃម្ខាងផងដែរ ចំណែកជនសង្ស័យក៏គេចខ្លួនបាត់តែម្តង។
ក្រោយកេីតហេតុជនរងគ្រោះដោយសារតែរវល់លក់បន្លែក៏មិនបានទៅដាក់ពាក្យបណ្តឹងនោះទេរង់ចាំទំនេរពីការលក់ដូរទេីបទៅដាក់ពាក់បណ្តឹង៕
ដោយ៖សុខាសែនជ័យ
