សារព័ត៌មាន នគរវត្ត តែងតែនាំមុខគេជានិច្ច
ខ្សែប្រយុទ្ធ Karim Benzema របស់ក្រុម Real Madrid បានជាប់ឈ្មោះក្នុងក្រុមជម្រើសជាតិបារាំងចំនួន ២៦នាក់សម្រាប់ការប្រកួតពានរង្វាន់អឺរ៉ុប(យូរ៉ូ) នារដូវក្តៅនេះបន្ទាប់ពីអវត្តមានជិត៦ឆ្នាំ។
សារព័ត៌មាន BBC Sport បានផ្សាយនៅព្រឹកថ្ងៃទី១៩ ឧសភានេះថា កីឡាកររូបនេះមិនបានលេងឱ្យប្រទេសរបស់គាត់ទេចាប់តាំងពីឆ្នាំ២០១៥ ដែលជាលទ្ធផលនៃការជាប់ពាក់ព័ន្ធនឹងករណីប៉ុនប៉ងលួចបន្លំជាមួយនឹងអតីតមិត្តរួមក្រុមបារាំង។
Karim Benzema មានវ័យ៣៣ឆ្នាំបានខកខានយុទ្ធនាការយូរ៉ូ កាលពីឆ្នាំ២០១៦ របស់បារាំងនិងការឈ្នះពានរង្វាន់ពិភពលោកកាលពីឆ្នាំ២០១៨ ដោយសារការចោទប្រកាន់ខាងលើនេះ។
នៅខែមករា ឆ្នាំ ២០២១ ព្រះរាជអាជ្ញាបារាំងបានប្រកាសថា Benzema នឹងប្រឈមមុខនឹងការកាត់ក្តីផងដែរ។
ខ្សែប្រយុទ្ធរូបនេះត្រូវបានគេចោទប្រកាន់ពីបទបង់ប្រាក់ឱ្យបុគ្គលដើម្បីជំរិតទារប្រាក់ពីខ្សែបម្រើ Mathieu Valbuena វ័យ៣៦ឆ្នាំដោយគំរាមធ្វើឱ្យខ្សែអាត់វីដេអូរួមភេទជាសាធារណៈនៅឆ្នាំ២០១៥ ប៉ុន្តែខ្សែប្រយុទ្ធរូបនេះអះអាងថា មន្រ្តីប៉ូលិសបានប្រើវិធីមិនស្មោះត្រង់ដើម្បីទាក់ទាញគាត់ឱ្យស្ថិតក្នុងស្ថានភាព។
បន្ទាប់ពីបានបញ្ជាក់ថា Benzema បានស្ថិតនៅក្នុងក្រុមរបស់គាត់ គ្រូបង្វឹកបារាំងលោក Didier Deschamps បាននិយាយថា “អ្វីដែលសំខាន់បំផុតគឺថ្ងៃនេះ និងថ្ងៃស្អែក។ មានជំហានសំខាន់ៗ យើងបានឃើញគ្នាទៅវិញទៅមក យើងបានពិភាក្សាគ្នាជាយូរមកហើយ។ ខ្ញុំមានការឆ្លុះបញ្ចាំងជាយូរមកហើយក្នុងការសម្រេចចិត្តនេះ” ។
សូមបញ្ជាក់ថា ក្រុមជម្រើសជាតិបារាំងស្ថិតក្នុងពូល F ក្នុងព្រឹត្តិការណ៍យូរ៉ូ២០២០ ជាមួយហុងគ្រី, ព័រទុយហ្គាល់ និងអាល្លឺម៉ង់។ ខាងក្រោមនេះគឺជាបញ្ជីឈ្មោះកីឡាកររបស់បារាំងដែលត្រូវលេងនៅយូរ៉ូ៖
អ្នកចាំទី៖ Hugo Lloris (Tottenham), Mike Maignan (Losc), Steve Mandanda (Marseille)។
ខ្សែការពារ៖ Lucas Digne (Everton), Leo Dubois (Lyon), Lucas Hernandez (Bayern Munich), Presnel Kimpembe (PSG), Jules Kounde (Sevilla), Clement Lenglet (Barcelona), Benjamin Pavard (Bayern Munich), Raphael Varane (Real Madrid), Kurt Zouma (Chelsea)។
ខ្សែបម្រើ៖ N’Golo Kante (Chelsea), Thomas Lemar (AtleticoMadrid), Paul Pogba (Manchester United), Adrien Rabiot(Juventus), Moussa Sissoko (Tottenham), Corentin Tolisso(Bayern Munich)។ខ្សែប្រយុទ្ធ៖ Wissam Ben Yedder (Monaco), Karim Benzema(Real Madrid), Kingsley Coman (Bayern Munich), OusmaneDembele (Barcelona), Olivier Giroud (Chelsea), Antoine Griezmann (Barcelona), Kylian Mbappe (PSG), Marcus Thuram(Borussia Monchengladbach) ៕ដោយ៖ ភារៈ
