សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តបែនដឹកដីមួយគ្រឿងត្រូវអ្នកបើកបរបេីកបត់ឆ្លងផ្លូវហើយបួងចង្កូតចាប់ហ្វ្រ័ងមិនជាប់ធ្វើឱ្យជ្រុលក្រឡាប់ផ្ងារជេីងសង្កត់លេីម៉ូតូមួយគ្រឿងនិងតូបលក់នំប៉័ងរងការខូចខាត តែសំណាងដែរដែលមិនមានមនុស្សរងរបួស។
ហេតុការណ៍នេះបានកេីតឡេីងកាលពីវេលាម៉ោង១០ព្រឹក ថ្ងៃទី១៨ ខែមិថុនា ឆ្នាំ២០២១ នៅចំណុចមុខខ្លោងទ្វារវត្តគោកខ្សាច់ តាមបណ្តោយផ្លូវជាតិលេខ៣ សង្កាត់ភ្លេីងឆេះរទេះ ខណ្ឌកំបូល រាជធានីភ្នំពេញ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញបុរសម្នាក់ជិះម៉ូតូម៉ាកMD តាមផ្លូវបេតុង ក្នុងទិសដៅពីលិចទៅកេីតចេញពីវត្តគោកខ្សាច់ ខណៈមកដល់ចំណុចកេីតហេតុក៏ឈប់នៅប្របចិញ្ចេីមផ្លូវដើម្បីជៀសរថយន្តបែនដឹកដី ពណ៌ស ពាក់ស្លាកលេខភ្នំពេញ1A-1178 ដែលធ្វេីដំណេីរតាមបណ្តោយផ្លូវជាតិលេខ៣ ក្នុងទិសដៅពីត្បូងទៅជេីងហេីយបួងចង្កូតបត់ឆ្វេងចូលខ្លោងទ្វាវត្តគោកខ្សាច់ដោយជាន់ហ្វ្រ័ងមិនជាប់ក៏ជ្រុលក្រឡាប់ចាក់ដីចោលសង្កត់លេីម៉ូតូ និងទូលក់នំប៉័ងរងការខូចខាត តែសំណាងល្អដែរដែលម្ចាស់ម៉ូតូលោតចេញទាន់មិនមានរងរបួស។
ក្រោយកេីតហេតុសមត្ថកិច្ចមូលដ្ឋានបានចុះទៅដល់ចំណុចកេីតហេតុនិងធ្វេីការសម្របសម្រួលដោយភាគីខាងរថយន្តព្រមចេញថ្លៃជួលជុលទាំងអស់ដេីម្បីបញ្ចប់រឿងនៅកន្លែងកេីតហេតុ៕
ដោយ ៖ សុខាសែនជ័យ
