សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះវិហារ ៖ យោងតាមសេចក្តីរាយការណ៍ឱ្យដឹង ថា ឈ្មួញឈ្មោះ ភ័ក្រ កំពុងកាក់កបនឹងរបរដឹកឈេី ដែលពីមុនប្រេី ប្រាស់រថយន្តត្រឹម៦គ្រឿង តែឥឡូវពង្រីកថែម៣គ្រឿងទៀតឡេីង៩គ្រឿង ដូចជារថយន្តធុនត្រា សុីណា នឹងហ្វត ពណ៌ត្រេអុី ។
តាមប្រភពព័ត៌មានបានទម្លាយថា រថយន្តស៊េរីទំនើបៗទាំងនោះ បានចូលទៅដឹកឈើប្រភេទលេខ១ សុក្រំ ពីចំណុចភូមិសុច ភូមិតាសែង ឃុំរណៈសិរ្យ ស្រុកសង្គមថ្មី ឆ្ពោះទៅខេត្តកំពង់ធំ ឯសមត្ថកិច្ចចម្រុះនៅចំណុចខ្នាថ្មី ជាប់ព្រំប្រទល់ ស្រុកសង្គមថ្មីនឹងស្រុកប្រាសាទបាល័ង្គ បានបំពេញភារកិច្ចយ៉ាងសប្បាយរីករាយចិត្តជាមួយនឹងការងារឈររាប់ក្បាលឡានយកលុយទៅវិញ ? ។
ភាគច្រើនប្រជាពលរដ្ឋនៅក្នុងស្រុកសង្គមថ្មីបាននិយាយាថា មេឈ្មួញដុះស្លែ ឈ្មោះ ភ័ក្រ តែងតែទំនាក់ទំនងល្អជាមួយលោក យា សាវង្ស ប្រធានស្នាក់ការបរិស្ថានខ្នាថ្មីតាសែង ជាប់ព្រំប្រទល់ស្រុកសង្គមថ្មីនឹងស្រុកប្រាសាទបាល័ង្គនឹងលោក មឿង សំផុន នាយកភ្នំត្បែង រួមទាំងសមត្ថកិច្ចដ៍ទៃទៀត ។
ដោយសារការងារមានទំនាក់ទំនងល្អបែបនេះហេីយ ទេីបរបរដឹកជញ្ជូនឈេី របស់លោក ភ័ក្រ កាក់កបយ៉ាងរលូន បែបនេះ ។
ឈើប្រភេទលេខ១សុក្រំនឹងឈើប្រណីតប្រភេទធ្នង់ ត្រូវបានមេឈ្មួញឈ្មោះភ័ក្រ រៀបចំសេនារិយោបញ្ចុះបញ្ចូលអោយប្រជាជនចូលព្រៃកាប់ឈើនៅលើកំពូលភ្នំត្បែង ដែលជាភ្នំត្រូវបានចុះបញ្ជីជាបេតិកភ័ណ្ឌជាតិ ក្នុងដែនសមត្ថកិច្ចគ្រប់គ្រងលោក មឿង សំផុន ជានាយកបេតិកភ័ណ្ឌជាតិភ្នំត្បែង ។
ពាក់ពន្ឋ័នឹកការបើកដៃអោយរថយន្តដឹកឈើរបស់មេឈ្មួញឈ្មោះភ័ក្រ ដឹកឈើចេញទាំងយប់ទាំងថ្ងៃ គ្មានការ បង្ក្រាបបែបនេះ ភ្នាក់ងារយើងនៅមិនទាន់អាចសុំការបកស្រាយពីលោក យា សាវង្ស ប្រធានស្នាក់ការបរិស្ថានខ្នាថ្មីតាសែង នឹងលោក មឿង សំផុន នាយកភ្នំត្បែងបានទេ កាលពីព្រឹកថ្ងៃទី៥ខែកក្កដានេះដោយពុំមានលេខទូរស័ព្ទ ។
ឯលោក មាស ញឹម នាយកព្រៃឡង់នឹងភ្នំត្នោត បានបញ្ជាក់ប្រាប់អ្នកសារព័ត៌មានថា លោកមិនបានដឹងរឿងដឹកឈើទាំងថ្ងៃទាំងយប់របស់មេឈ្មួញឈ្នោះ ភ័ក្រ ទេ ដោយសារលោកជាប់រវល់ការងារច្រើនពេក ។
ជាមួយនិងលើកឡើងនេះមហាជនសូមសំណូពរទៅលោក សុង ច័ន្ទសុជាតិ ប្រធានមន្ទីរបរិស្ថានខេត្តព្រះវិហារ សូមមេត្តាពិនិត្យមើលកូនចៅក្រោមឱវាទផង ហេតុអីបើកដៃអោយរថយន្តដឹកឈើចេញដោយមិនបង្ក្រាប ? ៕
ដោយ ៖ វណ្ណៈ
