សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បេីករថយន្តសាំយ៉ុងដឹកផ្លែឈេីក្នុងល្បឿនលឿនបានរេចង្កូតទៅបុកក្បាលព្រួញពុះចែកទ្រូងផ្លូវ បណ្ដាលឲ្យបាក់អស់បីកង់ ចំណែករថយន្តក្រឡាប់ផ្ងារជេីងរងការខូចខាតយ៉ាងដំណំ បង្កការភ្ញាក់ផ្អេីលនៅវេលាម៉ោង២និង១០នាទី រំលងអធ្រាត្រឈានចូលថ្ងៃទី ១៤ ខែកក្កដា ឆ្នាំ២០២១ នៅតាមបណ្ដោយផ្លូវលេខ២៨៩ កែងនិឹងផ្លូវ លេខ៥២៨ ត្រង់ចំណុចភ្លើងស្តុបកងរាជអាវុធហត្ថ ស្ថិតក្នុងសង្កាត់បឹងកក់ទី១ ខណ្ឌទួលគោក រាជធានីភ្នំពេញ ។
តាមប្រភពព័ត៌មានពីអ្នកឃេីញហេតុការណ៍បានឱ្យដឹងថា មុនពេលកេីតហេតុគេឃេីញបុរសម្នាក់បេីករថយន្តម៉ាកសាំយ៉ុង ពណ៌ស ពាក់ស្លាកលេខ ភ្នំពេញ 2O-9743 ដឹកផ្លែឈេីធ្វេីដំណេីរក្នុងទិសដៅពីជេីងទៅត្បូងក្នុងល្បឿនលឿន ខណៈមកដល់ចំណុចកេីតហេតុខាងលេីទំនងជាងងុយដេកបានរេចង្កូតទៅបុកក្បាលព្រួញពុះចែកទ្រូងផ្លូវ បណ្ដាលឲ្យបាក់អស់បីកង់ ចំណែករថយន្តក្រឡាប់ផ្ងារជេីងឡេីងលេី រងការខូចខាតយ៉ាងដំណំ តែសំណាងល្អអ្នកបេីករថយន្តគ្រាន់តែរងរបួសស្រាលប៉ុណ្ណោះ ។
ក្រោយពេលកេីតហេតុ សមត្ថកិច្ចមូលដ្ឋានបានចុះមកដល់ធ្វើការទាក់ទងទៅខាងជំនាញចរាចរណ៍ឲ្យចុះមកវាស់វែង ស្ទូចយករថយន្តបង្កទៅរក្សាទុកនៅការិយាល័យចរាចរណ៍រាជធានីភ្នំពេញ រង់ចាំដោះស្រាយតាមច្បាប់ ៕
ដោយ៖សុខាសែនជ័យ
