សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានរងរបួសធ្ងន់ត្រូវបានបញ្ជូនទៅសង្គ្រោះភ្លាមៗខណៈជិះម៉ូតូលឿនមិនប្រយ័ត្នជ្រុលទៅបុករថយន្តកំពុងឈប់ចាំភ្លើងស្តុបពេញទំហឹង កាលពីវេលាម៉ោង៣និង២០នាទីរសៀល ថ្ងៃទី១៥ ខែកក្កដា ឆ្នាំ២០២១ នៅចំណុចភ្លើងស្តុបមុខអាកាសយានដ្ឋានអន្តរជាតិភ្នំពេញ តាមបណ្តោយមហាវិថីសហព័ន្ធរុស្ស៊ី ក្នុងភូមិក្បាលដំរី២ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។
តាមសម្តីម្ចាស់រថយន្តបានឱ្យដឹងថា មុនពេលកេីតហេតុរូបគាត់បានបេីករថយន្តម៉ាកCRV ពណ៌ស ពាក់ស្លាកលេខភ្នំពេញ2BE-3546 ធ្វេីដំណេីរតាមបណ្តោយមហាវិថីសហព័ន្ធរុស្ស៊ី ក្នុងទិសដៅពីលិចទៅកេីត ខណៈមកដល់ចំណុចកេីតហេតុដោយសារភ្លេីងស្តុបពណ៌ក្រហមគាត់ក៏ឈប់រថយន្តរង់ចាំភ្លើងខៀវ ភ្លាមនោះស្រាប់តែមានបុរសម្នាក់ជិះម៉ូតូម៉ាកវីវ៉ា ពណ៌ក្រហម ពាក់ស្លាកលេខភ្នំពេញ1BQ-2061 ធ្វេីដំណេីរមកពីក្រោយក្នុងល្បឿនលឿនជ្រុលមកបុកពីក្រោយពេញទំហឹងបណ្តាលឱ្យម៉ូតូដួលបោកនឹងថ្នល់រងរបួសអ្នកបើកធ្ងន់ធ្ងរ ចំណែករថយន្តនិងម៉ូតូក៏រងការខូចខាតយ៉ាងដំណំដែរ។
ក្រោយកេីតហេតុជនរងគ្រោះត្រូវបានរថយន្តសង្គ្រោះដឹកយកទៅមន្ទីរពេទ្យភ្លាមៗ ចំណែកម៉ូតូនិងរថយន្តត្រូវបានសមត្ថកិច្ចចុះធ្វេីការវាស់វែងយកទៅរក្សាទុករង់ចាំដោះស្រាយពេលក្រោយ៕
ដោយ៖សុខាសែនជ័យ
