សារព័ត៌មាន នគរវត្ត តែងតែនាំមុខគេជានិច្ច
ការប្រកួតដណ្តើមខ្សែក្រវាត់ទម្ងន់ធ្ងន់ពិភពលោកលើកទី៣របស់ Tyson Fury ប៉ះជាមួយនឹង Deontay Wilder ត្រូវបានរៀបចំឡើងវិញនៅថ្ងៃទី៩ ខែតុលាខាងមុខនេះ។ នេះបើយោងតាមការចេញផ្សាយរបស់ BBC Sport នៅព្រឹកថ្ងៃទី១៦ កក្កដា។
ការប្រកួតដែលនឹងត្រូវធ្វើឡើងនៅ Las Vegas នៅថ្ងៃទី២៤ ខែកក្កដាត្រូវបានពន្យារពេលបន្ទាប់ពីកីឡាករអង់គ្លេសទម្ងន់ធ្ងន់បានធ្វើតេស្តរកឃើញជំងឺកូវីដ–១៩។ Fury វ័យ៣២ឆ្នាំបានផ្តួលកីឡាករ American Wilder វ័យ៣៥ឆ្នាំដើម្បីក្លាយជាម្ចាស់ជើងឯក WBC នៅខែកុម្ភៈ ឆ្នាំ២០២០ នៅ១៤ខែបន្ទាប់ពីពួកគេទាំងពីរបានចាប់ឆ្នោតប្រកួតគ្នានៅក្នុងទីក្រុង Los Angeles ម្តងទៀត។
កីឡាករសញ្ជាតិអង់គ្លេស Fury បាននិយាយថា “ខ្ញុំមិនចង់បានអ្វីក្រៅពីការវាយបំបែក “Big Dosser” នោះទេនៅថ្ងៃទី២៤ ខែកក្កដា ប៉ុន្តែខ្ញុំគិតថាការប្រកួតនេះត្រូវរង់ចាំ ដោយសារតែពន្យារពេល។ កុំធ្វើឱ្យមានកំហុសខ្ញុំនឹងត្រឡប់មកវិញ ហើយល្អជាងពេលណាៗទាំងអស់។ យើងនឹងប្រកួតនៅថ្ងៃទី៩ ខែតុលា ហើយខ្ញុំនឹងផ្តួលរូបគេឲ្យបាន”។
បន្ទាប់ពីការប្រយុទ្ធលើកទី៣ត្រូវបានពន្យារពេល ដោយសារតែមានការរាតត្បាតជុំវិញជំងឺ Covid-19 Fury បានព្យាយាមចង់ប្រកួតជាមួយនឹងមិត្តរួមសញ្ជាតិអង់គ្លេស Anthony Joshua ដែលកាន់ខ្សែក្រវ៉ាត់សំខាន់៣ស្ថាប័នផ្សេងទៀតក្នុងទម្ងន់ធ្ងន់។ ប៉ុន្តែសវនាការអាជ្ញាកណ្តាលបានសម្រេចថា កីឡាករWilder នឹងត្រូវប្រកួតជាមួយ Fury នៅលើកទី៣នេះ។
លោក Shelly Finkel អ្នកចាត់ការទូទៅរបស់កីឡាករ Wilder បានថ្លែងថា “នេះគឺជាអ្វីដែលយើងបានធ្វើអាជ្ញាកណ្តាល។ គាត់គ្រាន់តែចង់បានអ្វីដែលគាត់ចង់បានក្នុងការប្រកួតមួយ”។
គួរបញ្ជាក់ថា កីឡាករ Fury មិនស្គាល់ចាញ់សោះក្នុងការប្រកួតចំនួន៣១លើករបស់គេ ខណៈដែលកីឡាករ Wilder ទើបតែចាញ់មួយលើកគត់ក្នុងការប្រកួតចំនួន៤៤លើករបស់ខ្លួន។ អ្នកទាំងពីរនឹងត្រូវប៉ះគ្នានៅថ្ងៃទី៩តុលាខាងមុខនៅសហរដ្ឋអាមេរិកដើម្បីស្វែងរកជើងខ្លាំងគ្រងជើងឯកអ្នកប្រដាល់ទម្ងន់ធ្ងន់ពិភពលោក ៕
ដោយ៖ ភារៈ(រូបថត ៖ BBC Sport)
