ព័ត៌មានទាន់ហេតុការណ៍៖

ឆក់ទូរស័ព្ទគេចខ្លួនបាន២ថ្ងៃរត់មិនរួចពីកម្លាំងសមត្ថកិច្ចតាមក្របួចជាប់វិញ

ចែករំលែក៖

ភ្នំពេញ​៖​ ជនសង្ស័យចំនួន២នាក់បានធ្វេីសកម្មភាពឆក់ទូរស័ព្ទដៃពីក្មេងស្រីម្នាក់បានសម្រេចហេីយគេចខ្លួនបាត់កាលពីវេលាម៉ោង១៩និង០០នាទី យប់ថ្ងៃទី១៩ ខែកក្កដា ឆ្នាំ២០២១ នៅចំណុចបុរីឈូកវ៉ា២ មុខផ្ទះ៦២ ផ្លូវ ២៨ ភូមិតិក្ខបញ្ញោ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ  រហូតមកដល់វេលាម៉ោង១២និង៤០នាទីរសៀលថ្ងៃទី២០​ ឆ្នាំ២០២១ទេីបកម្លាំងសមត្ថកិច្ចធ្វេីការស្រាវជ្រាវរហូតឃាត់ខ្លួនបានជនសង្ស័យជាបន្តបន្ទាប់។ 

ជនសង្ស័យទី១.ឈ្មោះ តូ មាំ ហៅមាំ ភេទប្រុស អាយុ២០ឆ្នាំ មុខរបរមិនពិតប្រាកដ មានទីលំនៅបន្ទប់ជួល ភូមិ ត្រពាំងជ្រៃ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ (ឃាត់ខ្លួនថ្ងៃទី១៩ ខែកក្កដា ឆ្នាំ ២០២១)

២.ឈ្មោះហឿន ថុនា ភេទប្រុស អាយុ១៧ឆ្នាំ មុខរបរនៅផ្ទះ មានទីលំនៅបន្ទប់ជួល ភូមិកាកាបសង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ ។ 

ចំណែកជនរងគ្រោះជាឪពុកក្មេងឈ្មោះ ពង ចាន់ថន ភេទប្រុស អាយុ៣៧ឆ្នាំ មុខរបរមន្ត្រីរាជការ មានទីលំនៅបុរីឈូកវា២ ផ្ទះ៦២ ផ្លូវ២៨ ភូមិតិក្ខបញ្ញោ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។

សម្ភារដកហូតបានមាន ៖

ទូរស័ព្ទដៃចំនួនមួយគ្រឿងម៉ាកអាយហ្វូន ៦ ពណ៌ស លេខស៊ីម០៩៨ ៨៧២២៨៨។

តាមរបាយការណ៍សមត្ថកិច្ចបានឱ្យដឹងថា​ នៅថ្ងៃទី១៩ ខែកក្កដា ឆ្នាំ២០២១ វេលាម៉ោង១៩និង០០នាទី កូនស្រីរបស់ជនរងគ្រោះឈ្មោះ ពង ចាន់ថន ភេទប្រុស អាយុ៣៧ឆ្នាំ កំពុងតែអង្គុយចុចទូរស័ព្ទលេងនៅបុរីឈូកវ៉ា២ ផ្ទះ៦២ ផ្លូវ២៨ ភូមិតិក្ខបញ្ញោ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ពេលនោះក៏មានជនសង្ស័យ២នាក់បានជិះម៉ូតូឌុបគ្នា ដោយជនសង្ស័យ ឈ្មោះតូ មាំ ជាអ្នកបើកម៉ូតូ ចំណែកជនសង្ស័យឈ្មោះហឿន ថុនា ជាអ្នកជិះអង្គុយខាងក្រោយ ពេលនោះជនសង្ស័យឈ្មោះហឿន ថុនា ធ្វើសកម្មភាពឆក់ទូរស័ព្ទដៃពីក្មេងស្រីបានសំរេច ដោយទូរស័ព្ទ ដៃជាប់អាយខ្លោត ទើបជនរងគ្រោះប្ដឹងសមត្ថកិច្ចធ្វើការសុំការអន្តរាគមន៍រហូតឃាត់ខ្លួនជនសង្ស័យឈ្មោះ តូ មាំ នៅកន្លែងលក់ទូរស័ព្ទភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ យកមក សាកសួរនៅប៉ុស្តិ៍នគរបាលរដ្ឋបាលសំរោងក្រោម។… ក្រោយពីសួរនាំជនសង្ស័យរួចជនសង្ស័យបានឆ្លើយ សារភាពថា មានបក្ខពួក០១នាក់ទៀត ទើបនៅថ្ងៃទី២០ ខែកក្កដា ឆ្នាំ២០២១ វេលាម៉ោង១២និង៤០នាទី ទើបសមត្ថកិច្ចធ្វើការស្រាវជ្រាវ ឃាត់ខ្លួនបានជនសង្ស័យម្នាក់ទៀតឈ្មោះហឿន ថុនា ភេទប្រុស នៅចំណុចបន្ទប់ជួល ភូមិកាកាប សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ យកទៅសួរនាំ។ 

នៅមុខសមត្ថកិច្ចជនសង្ស័យបានសារភាពថាខ្លួនពិតជាបានធ្វេីសកម្មភាពឆក់ទូរស័ព្ទក្មេងស្រីរងគ្រោះពិតប្រាកដមែនទេីបសមត្ថកិច្ចកសាងសំណុំរឿងបញ្ជូនទៅផ្នែកព្រហ្មទណ្ឌដេីម្បីចាត់ការតាមច្បាប់៕

ដោយ៖សុខាសែនជ័យ


ចែករំលែក៖