សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ កម្លាំងជំនាញអធិការដ្ឋាននគរបាលក្រុងព្រះសីហនុ សហការជាមួយកម្លាំងជំនាញប៉ុស្តិ៍នគរបាលសង្កាត់លេខ៣ នៅវេលាម៉ោង ១១យប់ថ្ងៃទី២៦ ខែកក្កដា ឆ្នាំ២០២១ បានធ្វើការបង្ក្រាប និងឃាត់ខ្លួនមនុស្ស ៣នាក់ដែលជាមុខសញ្ញាលួចត្រង់ហ្វូអគ្គីសនី នៅចំណុចមុខបូរីគុជអាសុី ស្ថិតនៅក្រុមទី១៤ ភូមិ១ សង្កាត់លេខ៣ ក្រុងព្រះសីហនុ ខេត្តព្រះសីហនុ។
យោងតាមរបាយការណ៍របស់សមត្ថកិច្ចនគរបាលព្រហ្មទណ្ឌខេត្តព្រះសីហនុ បានឱ្យដឹងថា ជនសង្ស័យចំនួន ០៣នាក់ខាងលេីនេះ។ ទី១-ឈ្មោះ ពេជ្យ រាជ្យ ភេទប្រុស អាយុ២៧ឆ្នាំ មុខរបរកម្មករសំណង់ បច្ចុប្បន្នរស់នៅភូមិអូត្រេះ ឃុំស្ទឹងហាវ ស្រុកស្ទឹងហាវ ខេត្តព្រះសីហនុ ។ ទី២-ឈ្មោះ ពេជ្យ ចាន់ ភេទប្រុស អាយុ២៤ឆ្នាំ មុខរបរជាងភ្លើងបច្ចុប្បន្នរស់នៅភូមិអូត្រេះ ឃុ ស្ទឹងហាវ ស្រុកស្ទឹងហាវ ខេត្តព្រះសីហនុ ជាអ្នកដោះត្រង់ហ្វូ ។ និងទី៣-ឈ្មោះ ង៉ែត ណារិត ភេទប្រុស អាយុ៣៤ឆ្នាំ មុខរបរមិនពិតប្រាកដ បច្ចុប្បន្នស្នាក់នៅ ភូមិ២ សង្កាត់លេខ២ ក្រុង-ខេត្តព្រះសីហនុ ។ រីឯបក្សពួក០២នាក់ទៀតឈ្មោះ ប្រាក់ និងឈ្មោះ ទាញ កម្លាំងជំនាញកំពុងធ្វើការស្វែងរកចាប់ខ្លួនបន្ត។
ដោយឡែកវត្ថុតាងចាប់យកបានរួមមាន៖- ដែកដង្កាប់ចំនួន ០១,សោរលេខ១៩ ,សោរលេខ២៤ ចំនួន០២ដើម,ក្បាលលេខ១៧ចំនួន០១ដើម -កន្ត្រៃកាត់ខ្សែភ្លើងចំនួន០២,ម៉ូតូ១គ្រឿងម៉ាកHONDA.C១២៥ ពណ៌ខ្មៅ សេរីឆ្នាំ២០១៥ ពាក់ស្លាកលេខ:ព្រះសីហនុ1D.3909 ។ -ត្រង់ហ្វូម៉ាកFYJi ELECTRiC មួយគ្រឿង ។
បច្ចុប្បន្នជនសង្ស័យខាងលើត្រូវបានកម្លាំងជំនាញកំពុង ធ្វើការឃាត់ខ្លួននៅអធិការដ្ឋាននគរបាលក្រុងព្រះសីហនុ ដើម្បីបន្តនីតិវិធី បញ្ជូនទៅផ្តន្ទាទោស៕ដោយ៖សហការី
