សារព័ត៌មាន នគរវត្ត តែងតែនាំមុខគេជានិច្ច
យោងតាមក្រុមហ៊ុនហិរញ្ញវត្ថុ Deloitte ដែល BBC Sport យកមកចុះផ្សាយបានឱ្យដឹងថា បាល់ទាត់តំបន់អឺរ៉ុបកំពុងចាប់ផ្តើមមើលឃើញពីទំហំនៃផលប៉ះពាល់ហិរញ្ញវត្ថុដោយសារជំងឺរាតត្បាតកូវីដ–១៩រីករាលដាលបន្ទាប់ពីការធ្លាក់ចុះប្រាក់ចំណូលចំនួន៣,៤ពាន់លានផោនក្នុងឆ្នាំ២០១៩-២០២០ ។
ប្រាក់ចំណូលសរុបបានធ្លាក់ចុះដល់២២.១ពាន់លានផោនដោយលីគបាល់ទាត់នៅអឺរ៉ុបភាគច្រើនត្រូវបញ្ឈប់នៅខែមីនា ឆ្នាំ២០២០ មុននឹងបន្តលេងដោយគ្មានអ្នកគាំទ្រ។ វាគឺជាការកាត់បន្ថយដំបូងចាប់តាំងពីវិបត្តិហិរញ្ញវត្ថុពិភពលោកឆ្នាំ២០០៨-២០០៩ ។
របាយការណ៍ដដែលបានបង្ហាញថា “មានតែករណីភាគច្រើននៃការរងឥទ្ធិពលរបស់ Covid-19 ក្នុងរយៈពេល៣ខែប៉ុណ្ណោះ។
វានឹងមានរយៈពេលជាច្រើនឆ្នាំមុនពេលផលប៉ះពាល់ផ្នែកហិរញ្ញវត្ថុពេញលេញនៃការរីករាលដាលជំងឺ Covid-19 លើបាល់ទាត់អឺរ៉ុប។ ប៉ុន្តែឥឡូវនេះចាប់ផ្តើមមើលឃើញពីផលប៉ះពាល់ផ្នែកហិរញ្ញវត្ថុដែលជំងឺរាតត្បាតបានកើតមានចំពោះក្លិបនៅអឺរ៉ុប”។
ការត្រួតពិនិត្យហិរញ្ញវត្ថុប្រចាំឆ្នាំរបស់ក្រុមហ៊ុន Deloitte បានបង្ហាញថាក្លិបនៅទូទាំងផ្នែកទាំងបីរបស់លីគបាល់ទាត់អង់គ្លេសបានរាយការណ៍ពីការកាត់បន្ថយប្រាក់ចំណូលរួមគ្នាចំនួន១៣% (១៥០លានផោន) មក៩៤៣លានផោន។
ក្រុមហ៊ុន Deloitte បានបង្ហាញរបាយការណ៍កាលពីខែមិថុនាថាប្រាក់ចំណូលរួមសម្រាប់ក្លិបនៅ Premier League ក្នុងឆ្នាំ ២០១៩-២០២០ បានធ្លាក់ចុះប្រហែល១៣% (៦៤៨លានផោន) មក៤.៥ពាន់លានផោន។
នៅពេលបញ្ចូលគ្នាជាមួយលីគធំៗ៥ផ្សេងទៀតរបស់អឺរ៉ុប ការធ្លាក់ចុះប្រាក់ចំណូលកើនឡើងគឺ១១% (១.៨ពាន់លានផោន ដល់១៣.២ពាន់លានផោន)។
របាយការណ៍បានបញ្ជាក់ថា ខណៈដែលក្លិបលីគទី២របស់អង់គ្លេសបានបង្ហាញនូវភាពមិនច្បាស់លាស់ពីតួលេខ ស្ទើរតែពេញមួយរដូវកាលដោយគ្មានប្រាក់ចំណូលថ្ងៃប្រកួត (២០២០-២០២១) នឹងកំពុងមានការព្រួយបារម្ភពីការរងផលប៉ះពាល់ផងដែរ។
ទោះយ៉ាងណាជាមួយនឹងក្លិបនៅជុំវិញទ្វីបអឺរ៉ុបសង្ឃឹមថា នឹងទទួលបានការស្វាគមន៍ពីសំណាក់អ្នកគាំទ្រដែលមានសមត្ថភាពចាប់ពីដើមរដូវកាលថ្មីនេះធ្វើឲ្យហិរញ្ញវត្ថុរបស់ក្លិបនឹងមានភាពប្រសើរឡើង ៕
ដោយ៖ ភារៈ(រូបភាព ៖ BBC Sport)
