សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តបែនដឹកដីមួយគ្រឿងបេីកឆ្លងផ្លូវដែកទាំងឃេីញរថភ្លេីងបេីកមកជិតដល់ហេីយក៏ត្រូវរថភ្លេីងបុកបណ្តាលឱ្យរងការខូចខាតយ៉ាងដំណំសំណាងមិនមានមនុស្សរងរបួស។
ហេតុការណ៍នេះបានកេីតឡេីងកាលពីវេលាម៉ោង១១ព្រឹក ថ្ងៃទី៧ ខែសីហា ឆ្នាំ២០២១ នៅភូមិភ្លេីងឆេះរទះលិច សង្កាត់ភ្លេីងឆេះរទះ ខណ្ឌកំបូល រាជធានីភ្នំពេញ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញរថយន្តបែនដឹកមួយគ្រឿងពណ៌ស ពាក់ស្លាកលេខកំពង់ចាម3A 4157 ធ្វេីដំណេីរស្របជាមួយផ្លូវរថភ្លេីងបន្ទាប់មកក៏មានរថភ្លេីងមួយខ្សែរថពីខេត្តព្រះសីហនុឆ្ពោះទៅភ្នំពេញមកពីក្រោយទាំងស៊ីផ្លេមិនឈប់ ភ្លាមនោះស្រាប់រថយន្តបួងបង្កូតបត់ស្តាំឆ្លងផ្លូវរថភ្លេីងខណៈជិតផុតស្រាប់តែរថភ្លេីងមកដល់ល្មមបុករុញបណ្តាលឱ្យរងការខូចខាតគាបជាប់គ្នា សំណាងមិនមានមនុស្សរងរបួស។
ក្រោយកេីតហេតុសមត្ថកិច្ចបានចុះទៅដល់ចំណុចកេីតហេតុ និងទាក់ទងទៅជំនាញមកស្ទូចរថយន្តចេញយកទៅរក្សាទុករងចាំដំណាងរថភ្លេីងដោះស្រាយជាមួយម្ចាស់រថយន្តនៅពេលក្រោយ៕
ដោយ៖សុខាសែនជ័យ
