សារព័ត៌មាន នគរវត្ត តែងតែនាំមុខគេជានិច្ច
ក្រុមអ្នកមានបុណ្យ Barcelona បានប្រកាសថា តារាឆ្នើមនិងម្ចាស់ពានរង្វាន់ Ballon d’Or ៦សម័យកាល Lionel Messi នឹងចាកចេញពីក្លិបបន្ទាប់ពីស្នាក់នៅ១៨ឆ្នាំ។
សារព័ត៌មាន CNA បានផ្សាយថា ក្លិប Barcelona បានអះអាងថាបទប្បញ្ញត្តិហិរញ្ញវត្ថុដែលដាក់ដោយ La Liga នឹងរារាំងពួកគេពីការរក្សាខ្សែប្រយុទ្ធ Lionel Messi ដែលមិនធ្លាប់មាន។
មានសំណួរសួរថា តើនឹងមានអ្វីបន្តសម្រាប់ Messi? តើ Messi អាចនឹងសម្រេចចិត្តក្រោយពីលេចឮព័ត៌មានមិនបន្តកុងត្រាជាមួយ Barcelona ? CNA បានដកស្រង់សារព័ត៌មានរ៉យទ័រពីហេតុផល៣ចំណុចដូចខាងក្រោម៖
១. ក្លិប Manchester City
នៅពេល Messi សុំចាកចេញពី Barcelona នៅរដូវក្តៅឆ្នាំ២០២០ គាត់ត្រូវបានគេរំពឹងថា នឹងភ្ជាប់ទំនាក់ទំនងជាមួយអតីតគ្រូបង្វឹក Pep Guardiola នៅ Manchester City។
ទោះយ៉ាងណាក៏ដោយជាមួយនឹងក្រុម Man City មើលទៅដូចជាពួកគេបានផ្លាស់ប្តូរការចុះហត្ថលេខាជាមួយកីឡាករ Jack Grealish ហើយរាយការណ៍ថា ពួកគេភ្ជាប់ជាមួយខ្សែប្រយុទ្ធ Harry Kane របស់ក្លិប TottenhamHotspur ដែលនេះ ហាក់ដូចជាត្រូវបានបិទផ្លូវដោយខ្សែប្រយុទ្ធអាហ្សង់ទីនMessi ។
២. ក្លិប Paris St-Germain
ក្លិបមួយក្នុងចំណោមក្លិបមួយចំនួននៅក្នុងពិភពបាល់ទាត់ដែលអាចមានលទ្ធភាពទទួលបានប្រាក់ឈ្នួលរបស់គាត់ គឺក្លិប PSG ត្រូវបានគេភ្ជាប់ទៅនឹងការផ្លាស់ប្តូរសម្រាប់ Messi ចាប់តាំងពីពួកគេត្រូវបានគ្រប់គ្រងដោយQatari Sports វិនិយោគក្នុងឆ្នាំ២០១១ ។
ជាមួយមិត្តរួមជាតិ Mauricio Pochettino នៅដឹកនាំលីគកំពូលបារាំង អតីតមិត្តរួមក្រុម និងមិត្តភក្តិជិតស្និទ្ធិ Neymar និង Kylian Mbappe ដែលជាដៃគូប្រយុទ្ធដ៏មានសក្តានុពល Messi អាចបង្ហាញពីចំណុចល្អក្នុងការស្វែងរកជ័យជំនះសម្រាប់ Champions League ។
៣. បន្តស្នាក់នៅ Barcelona
អ្នកសង្កេតការណ៍ខ្លះជឿជាក់ថា ការប្រកាសនេះគឺជាការអំពាវនាវដ៏ធំមួយចំពោះការរអាក់រអួលរបស់លីគកំពូលអេស្ប៉ាញ La Liga ពីក្លិប Barcelona ។
ពួកគេនិយាយថា កីឡាករឆ្នើមនៅលើពិភពលោករូបនេះនឹងចាកចេញពីលីគដោយសារតែឧបសគ្គដែលកំណត់ដោយលីគដើម្បីធ្វើឱ្យ La Liga បន្ធូរបន្ថយបទបញ្ជាលេងដោយយុត្តិធម៌ផ្នែកហិរញ្ញវត្ថុរបស់ពួកគេទើបអាចឲ្យអនុញ្ញាតឱ្យគាត់បន្ត។
ប្រសិនបើនោះជាករណីមែននោះគឺជាការផ្លាស់ប្តូរដ៏សំខាន់មួយដោយប្រធានលីគលោក Javier Tebas តែងតែរិះគន់ស្ថានការណ៍ហិរញ្ញវត្ថុរបស់ក្លិបជាញឹកញាប់ ហើយថ្មីៗនេះបាននិយាយម្តងទៀតថា ពួកគេត្រូវការកាត់បន្ថយប្រាក់ឈ្នួលយ៉ាងខ្លាំងដើម្បីរក្សា Messi ។
ទោះលទ្ធផលបែបណាក៏ដោយ បើសិនជាការចាកចេញពី Barcelona របស់ Messi មានពិតមែននោះ ក្លិបអាចនឹងរង្គោះរង្គើ ដោយសារតែត្រូវទទួលខុសត្រូវទាំងស្រុងចំពោះមុខអ្នកគាំទ្រនៅអេស្ប៉ាញ ពិសេសប្រជាប្រិយភាពរបស់ក្លិបទាំងមូល ៕
ដោយ៖ ភារៈ(រូបភាព ៖ Reuters)
