វត្តទាំង២៣ក្នុងក្រុងស្វាយរៀង និងស្រុកកំពង់រោទិ៍នៃខេត្តស្វាយរៀងបានទទួលទេយ្យវត្ថុ បច្ច័យ និងទៀនព្រះវស្សារបស់អ្នកឧកញ៉ា ព្រឹទ្ធមហាឧបាសិកាធម្មញ្ញាណវិ វឌ្ឍនា ប៊ុន ស៊ាងលី

ខេត្តស្វាយរៀង ៖ នៅថ្ងៃទី០៧ និងថ្ងៃ០៨ ខែ សីហា ឆ្នាំ២០២១នេះ លោក ឌី វិជ្ជា និងលោកស្រី ហ៊ុន ម៉ាណា បានចាត់ឱ្យលោក ជិន ប៊ុនធឿន ជាតំណាងរួមជាមួយក្រុមការងារ នាំយកទេយ្យវត្ថុមួយចំនួនធំ និងបច្ច័យ ព្រមទាំងទៀនព្រះវស្សាវេរប្រគេនព្រះសង្ឃនៅតាមវត្តចំនួន២២ ស្ថិតនៅក្នុងក្រុងស្វាយរៀង និងស្រុកកំពង់រោទិ៍នៃខេត្តស្វាយរៀង ។ ដោយហេតុថាស្ថិតក្នុងបរិបទនៃការរីករាលដាលនៃជំងឺកូវីដ-១៩នេះ ព្រះសង្ឃនៅតាមទីអារាមមិនអាចនិមន្តបិណ្ឌបាត ហើយប្រជាពុទ្ធបរិស័ទក៏មិនអាចយកចង្ហាន់ទៅប្រគេនព្រះសង្ឃដូចគ្រាមិននោះដែរ ដែលជាហេតុធ្វើឲ្យតាមទីអារាមមួយចំនួនធំតាមបណ្តាខេត្តនានាកំពុងប្រឈមនឹងការខ្វះខាត ។

ស្ថិតក្នុងឱកាសនោះ លោក ជិន ប៊ុនធឿន បានសំណេះសំណាល និងពាំនាំយកនូវការផ្តាំផ្ញើរ សួរសុខ ទុក្ខពីសំណាក់លោក ឌី វិជ្ជា និងលោកស្រី ហ៊ុន ម៉ាណា ជូនដល់ពុកម៉ែ បងប្អូន លោកតា លោកយាយថា រដ្ឋាភិបាលកម្ពុជាស្ថិតក្រោមការដឹកនាំដោយសម្តេចអគ្គមហាសេនាបតីតេជោ ហ៊ុន សែន បានដាក់ចេញនូវវិធានការការទប់ស្កាត់ការឆ្លងរីករាលដាលជំងឺកូវីដ-១៩ សូមអោយប្រជាពលរដ្ឋមេត្តាចូលរួមអនុវត្តនូវវិធានការរបស់ក្រសួងសុខាភិបាល ដោយបង្កើនការយកចិត្តទុកដាក់ថែរក្សាសុខភាពប្រចាំថ្ងៃ ដើម្បីការពារពីជំងឺឆ្លងកូវីដ-១៩ ដូចជាការលាងដៃជាប់ជាប្រចាំ និងពាក់ម៉ាស់ពេទ្យ ឬក្រម៉ានៅកន្លែងមានមនុស្សជួបជុំគ្នាច្រើន ។ លោកបានបន្ថែមថា បើមានបងប្អូន កូន ចៅដែលទើបមកពីបរទេសត្រូវបញ្ជូនពួកគាត់ដាក់ដាច់ដោយឡែករយៈ ១៤ថ្ងៃសិន មុនអោយចូលរស់នៅជាមួយគ្នា  ។ 

សូមបញ្ជាក់ផងដែរថា ក្នុងខេត្តស្វាយរៀងទាំងមូលមាន វត្តសរុប ២៤៥វត្ត ហើយវត្តដែលកំពុងប្រឈមនឹងការខ្វះខាតមានចំនួន ៧៥វត្ត ព្រោះថាវត្តទាំងនេះមានពុទ្ធិកសិក្សា មានសមនសិស្សជាច្រើនកំពុងនៅសិក្សារៀនសូត្រ ។ 

ការវេរប្រគេនទេយ្យវត្ថុ បច្ច័យ និងទៀនចំណាំព្រះវស្សានេះធ្វើឡើងស្របពេលព្រះរាជាណាចក្រកម្ពុជាកំពុងប្រតិបត្តិពិធីបុណ្យចូលព្រះវស្សា ជាពិសេស

ទៅទៀតនោះ គឺទីអារាមដែលកំពុងប្រឈមនឹងការខ្វះខាតកំឡុងពេលនៃការរីករាលដាលនៃជំងឺកូវីដ-១៩នាពេលបច្ចុប្បន្ននេះ ។ 

បណ្តាវត្តទាំង ១៤ក្នុងស្រុកកំពង់រោទិ៍មានដូចជា៖

១-វត្តអង្គរំដួល ក្នុងភូមិខ្សែត្រ ឃុំខ្សែត្រ ស្រុកកំពង់រោទិ៍

២-វត្តព្រះពន្លា ក្នុងភូមិព្រះពន្លា ឃុំព្រះពន្លា ស្រុកកំពង់រោទិ៍

៣-វត្តព្រៃម្នាស់ ក្នុងភូមិព្រៃម្នាស់ ឃុំសំឡី ស្រុកកំពង់រោទិ៍

៤-វត្តឯក ក្នុងភូមិបុណ្យ ឃុំត្នោត ស្រុកកំពង់រោទិ៍

៥-វត្តសន្សំកុសល ភូមិជប់ព្រីង ឃុំថ្មី ស្រុកកំពង់រោទិ៍

៦-វត្តកោះត្រាច ក្នុងភូមិកោះត្រាច ឃុំថ្មី ស្រុកកំពង់រោទិ៍

៧-វត្តព្រៃចារ ភូមិព្រៃចារ ឃុំខ្សែត្រ ស្រុកកំពង់រោទិ៍

៨-វត្តស្វាយបទុម ក្នុងភូមិព្រៃរបឺស ឃុំត្នោត ស្រុកកំពង់រោទិ៍

៩-វត្តត្រពាំងព្រីង ក្នុងភូមិព្រៃភ្នៀត ឃុំសំឡី ស្រុកកំពង់រោទិ៍

១០-វត្តពោធិ៍រុក្ខារាម ក្នុងភូមិព្រៃផ្អាវ ឃុំសំឡី ស្រុកកំពង់រោទិ៍

១១-វត្តបន្ទាយក្រាំង ក្នុងភូមិបន្ទាយក្រាំង ឃុំបន្ទាយក្រាំង ស្រុកកំពង់រោទិ៍

១២-វត្តទួលអំពិល ក្នុងភូមិសំយោង ឃុំសំយោង ស្រុកកំពង់រោទិ៍

១៣-វត្តពោធិ៍ម្អម ក្នុងភូមិពោធិ៍ម្អម ឃុំត្នោត ស្រុកកំពង់រោទិ៍

១៤-វត្តគោករការ ក្នុងភូមិកែវជៈ ឃុំបន្ទាយក្រាំង ស្រុកកំពង់រោទិ៍

ហើយវត្តចំនួន ០៩ទៀតក្នុងក្រុងស្វាយរៀងមានរាយនាមដូចខាងក្រោម៖ 

១-វត្តព្រះពុទ្ធស្វាយរៀង ក្នុងភូមិតាណ៍ សង្កាត់ស្វាយតឿ

២-វត្តកោះជុំ ក្នុងភូមិតារាងបាល់ សង្កាត់គយត្របែក 

៣-វត្តព្រះទន្លេ ក្នុងភូមិព្រះពន្លា សង្កាត់សង្ឃ័រ 

៤-វត្តមុនីសាលា ក្នុងភូមិស្វាយតឿ សង្កាត់ស្វាយតឿ

៥-វត្តសន្តិភាព ក្នុងភូមិចុងព្រែក សង្កាត់ស្វាយរៀង

៦-វត្តព្រៃឆ្លាក់ ក្នុងភូមិព្រៃឆ្លាក់ សង្កាត់ព្រៃឆ្លាក់

៧-វត្តចេក ក្នុងភូមិទទា សង្កាត់ចេក 

៨-វត្ក្រសាំងជ្រំ ក្នុងភូមិក្រសាំង សង្កាត់សង្ឃ័រ 

៩-វត្តជម្ពូព្រឹក ក្នុងភូមិថ្មី សង្កាត់សង្ឃ័រ 

ទេយ្យវត្ថុដែលវេរប្រគេនក្នុងវត្តនីមួយៗរួមមាន: 

១-អង្ករ ចំនួន ១តោន ស្មើនឹង ១០០០គីឡូ

២-ត្រីខ ចំនួន ០១កេស ស្មើ ១០០កំប៉ុង

៣-មី ចំនួន ១០កេសធំ

៤-ភេសជ្ជៈ Carabao ៣កេស

៥-ត្រីងៀត ១០ គីឡូ

៦-សាច់ក្រក់ ១០ គីឡូ

៧-សាច់ជ្រូកផាត់ ១០ គីឡូ

៨-ទឹកដោះគោខាប់ ២កេស ស្មើ ៩៦កំប៉ុង 

៩-កាហ្វេ ចំនួន ៥កញ្ចប់ធំ ស្មើ ២៥០កញ្ចប់តូច 

១០-តែ ២គីឡូ

១១-ស្ករស ២៥ គីឡូ

១២-អំបិល ២៥ គីឡូ

១៣-ប៊ីចេង ១០ គីឡូ

១៤-ទឹកត្រី ៥យួរ ស្មើ ៣០ដប 

១៥-ទឹកស៊ីអ៉ីវ ៥យួរ ស្មើ ៣០ដប

១៦-សាប៊ូដុំ ៣០ដុំ

១៧-ច្រាស និងថ្នាំដុសធ្មេញ ១០០ឈុត

១៨-ប្រេងកូឡា ០៥ដុំ ស្មើ ៦០ដប

១៩-ប្រេងខ្យល់ ០៥ដុំ ស្មើ ៦០ដប

២០-ម៉ាស់ ២០ប្រអប់ ស្មើនឹង ១០០០ម៉ាស់

២១-អាល់កុលសម្លាប់មេរោគ ០៤កាន ស្មើ ១២០លីត្រ

២២-ដបដាក់អាល់កុល 500ml ៤ដប 

២៣-ដបសម្រាប់អាល់កុល ១០ដប

២៤-ស្លាដក់ ២៥៨អង្គ

២៥-ទៀនវស្សា ០១គូរក្នុងមួយវត្ត

២៦-ថវិកា ២លានរៀលក្នុងមួយវត្ត ។

ហើយក្រុមការងារក៏បានចែកជូនលោកយាយ លោកតា គណៈកម្មការវត្តចំនួន ៤៤៤នាក់ ដោយម្នាក់ៗទទួលបាន ឃីដ ០១ ដែលក្នុងនោះមានដូចជា: 

១-ខោអាវ ០១ ឈុត

២-ក្រម៉ា ចំនួន ០១

៣-ច្រាស និងថ្នាំដុសធ្មេញ ០១ ឈុត

៤-សាប៊ូ ០១ដុំ 

៥-ថ្នាំពេទ្យ ០១ប្រអប់

៦-អាល់កុលសម្រាប់មេរោគ ០១ដបតូច 

៧-ម៉ាស់ ១០ ម៉ាស់

៨-សារ៉ុង ០១ 

៩-ប្រេងកូឡា ០១ដប 

១០-ប្រេងខ្យល់ ០១ ដប ៕

ដោយ៖ សិលា